Nani Party Campaigning : పార్టీ పెట్టిన నాని.. కండువా కప్పుకొని ప్రచారం.. పొలిటికల్ హీట్ మరింత పెంచేస్తున్నాడుగా?

Nani Party Campaigning

Nani Party Campaigning : తెలంగాణ ఎన్నికలు మరో 10 రోజుల్లో జరగబోతున్నాయి.. దీంతో తెలంగాణ మొత్తం పొలిటికల్ హీట్ తో హోరెత్తిపోతుంది.. తెలంగాణ వ్యాప్తంగా ఎక్కడ చుసిన పొలిటికల్ పార్టీలు మీటింగులతో ప్రచారాలు చేస్తూ పార్టీ జెండాలు పట్టుకుని కనిపిస్తున్న విషయం తెలిసిందే.. వీరి ప్రచారంతో ఎవరు గెలుస్తారా అని అంతటా ఉత్కంఠ నెలకొంది.

అయితే రాజకీయ నేతలే కాదు.. టాలీవుడ్ స్టార్స్ ఇప్పుడు ఉన్న పొలిటికల్ హీట్ ను తమ సినిమాలకు ఉపయోగించు కుంటూ కనిపిస్తున్నారు.. ఇటీవలే అనిల్ రావిపూడి పార్టీ పెడుతున్న అంటూ ఒక వీడియో చేయగా అది కాస్త క్షణాల్లోనే వైరల్ అయ్యింది. ఆహాతో కలిసి ఈయన రాబోతున్న ప్రోగ్రాం కు ఇలా ప్రచారం చేసాడు.

ఇక ఇప్పుడు నాని కూడా అలానే ప్రేక్షకుల ముందుకు వచ్చాడు.. న్యాచురల్ స్టార్ నాని గురించి తెలియని వారు లేరు.. ఈయన తన సహజమైన నటనతో ఎంట్రీ ఇచ్చిన కొద్దీ రోజుల్లోనే న్యాచురల్ స్టార్ అని ప్రజల చేత పిలుపించు కుంటున్నాడు. నాని మరికొద్ది రోజుల్లో తన కొత్త సినిమాతో ప్రేక్షకుల ముందుకు రాబోతున్నాడు.

”హాయ్ నాన్న” సినిమాతో డిసెంబర్ 7న నాని బరిలోకి దిగబోతున్నాడు. మరి ఈ సినిమా కోసమే కొత్తగా ప్రచారం చేస్తున్నాడు.. నాని తాజాగా కండువా కప్పుకుని మీ ఓటు నాకే అంటూ హాయ్ నాన్న ప్రమోషన్స్ షురూ చేసాడు. ఈ పిక్ నెట్టింట తెగ వైరల్ అవుతుంది.. శౌర్యవ్ దర్శకత్వంలో మృణాల్ ఠాకూర్ హీరోయిన్ గా నటిస్తున్న ఈ సినిమా వైరా ఎంటర్టైన్మెంట్స్ వారు నిర్మిస్తున్నారు. చూడాలి ఈ సినిమా ఏ రేంజ్ లో హిట్ అందుకుంటుందో..