Balakrishna Similar To Power Star : పవర్ స్టార్ కు తనకు పోలిక.. చెప్పేసిన నందమూరి హీరో బాలకృష్ణ

Balakrishna Similar To Power Star

Balakrishna Similar To Power Star : హిందూపురం నియోజకవర్గంలో స్థానిక ఎమ్మెల్యే నందమూరి బాలకృష్ణ రెండు రోజులుగా పర్యటిస్తున్నారు. ఆయన వెంట పెద్ద సంఖ్యలో టీడీపీ శ్రేణులు ఈ పర్యటనలో పాల్గొంటున్నాయి. అయితే హిందూపురంలో టీడీపీ, జనసేన సమన్వయ కమిటీ సమావేశంలో కూడా బాలకృష్ణ పాల్గొన్నారు. ఈ సందర్భంగా అధికార పార్టీ కి వ్యతిరేకంగా చేపట్టాల్సిన పోరాట కార్యచరణపై శ్రేణులకు దిశానిర్దేశం చేశారు.

ఈ సందర్భంగా పవన్ కు తనకు ఒక పోలిక ఉందంటూ బాలకృష్ణ వ్యాఖ్యలు చేశారు. టీడీపీకి అండగా నిలుస్తున్న పవన్ కు ఈ సందర్భంగా ధన్యవాదాలు తెలిపాడు. తాను, పవన్ కళ్యాణ్ ముక్కుసూటిగా మాట్లాడుతామని, ఎవరికీ భయపడబోమని, అన్యాయం జరిగితే చూస్తూ ఊరుకోబోమని స్పష్టం చేశారు. ఈ సందర్భంలో రాష్ర్టంలో పరిపాలన తీరును బాలకృష్ణ విమర్శించారు.

ఇకపై రాష్ర్టంలో మార్పు కోసం టీడీపీ, జనసేన కలిసి ముందుకు సాగుతాయని చెప్పారు. తన సొంత నిధులతో హిందూపురం అభివృద్ధి చేస్తున్నానని, ఇకపై జనసేన తో కలిసి వివిధ కార్యక్రమాల్లో పాల్గొంటానని చెప్పాడు. కార్యక్రమంలో భాగంగా జై టీడీపీ, జై జనసేన అంటూ బాలకృష్ణ నినదించారు. ప్రజలకు ఇరు పార్టీల శ్రేణులు సైనికులుగా కాపాలా ఉంటామని చెప్పారు. ఈ సందర్భంగా వైసీపీ చేపట్టిన సామాజిక సాధికార బస్సు యాత్రపై విమర్శలు చేశారు.  రాష్ర్టంలో అభివృద్ధి కుంటుపడిందని, అమరావతి కోసం ఫైట్ చేస్తున్న రైతులను పెయిడ్ అర్టిస్టులంటూ అవమానిస్తున్నారని మండిపడ్డారు. ఇకపై  వైసీపీ  ప్రభుత్వంపై ఉద్యమం చేయాల్సిన సమయం  వచ్చిందని ప్రజలకు సూచించారు.