Nandamuri fourth generation : నందమూరి నాలుగో తరం ఏకంగా పాన్ ఇండియా స్థాయిలో ఎంట్రీ.. ఫస్ట్ లుక్ అదుర్స్

Nandamuri fourth generation New NTR

Nandamuri fourth generation Hero : టాలీవుడ్ లో నంద‌మూరి కుటుంబానికి సినిమా రంగంలో,  రాజకీయ రంగంలో ప్రత్యేక స్థానం ఉంది. ఒకే సారి అటు సినిమా, ఇటు రాజకీయ రంగాల్లో రాణించడం కేవలం నందమూరి కుటుంబానికి సాధ్యమైంది. తెలుగు ప్రజలకు ఎన్నో సేవలందించిన నందమూరి తారకరామారావు కుటుంబం నుంచి మరో నటవారసుడు  చిత్ర పరిశ్రమకు పరిచయం కాబోతున్నది. ఈ బాధ్యతను సీనియర్ ఎన్టీఆర్ వీరాభిమాని దర్శక, నిర్మాత వైవీఎస్ చౌదరి తీసుకున్నాడు. కొద్ది రోజుల క్రితం నందమూరి కుటుంబం నుంచి నాలుగో తరాన్ని  సినీ పరిశ్రమకు పరిచయం చేయబోతున్నామని వైవీఎస్ చౌదరి ప్రకటించిన విషయం తెలిసిందే. అయితే అప్పుడు హీరో పేరు మాత్రమే ప్రకటించాడు. కానీ హీరో లుక్ మాత్రం విడుదల చేయలేదు. దీపావళి సందర్భంగా నాలుగో తరం హీరో వాయిస్ ఓవర్ తో తనను  తాను పరిచయం చేసుకున్నాడు.

ఎవరీ న్యూ ఎన్టీఆర్.
ఇప్పటి వ‌ర‌కు నందమూరి కుటుంబం నుంచి మూడు త‌రాల హీరోలు ప్రేక్షకుల్లో మంచి గుర్తింపు పొందారు. ఇందులో బాలకృష్ణ తండ్రి వారసత్వాన్ని అటు సినిమా రంగంలో, ఇటు సినిమా రంగంలో కొనసాగిస్తున్నాడు.  హరికృష్ణ కూడా దానవీరశూర కర్ణతో పాటు రెండు మూడు సినిమాలు మాత్రమే చేశాడు.  ఆ తర్వాత తండ్రి వెంటే రాజకీయంగా ఉండిపోయాడు. చాలా రోజుల తర్వాత మోహన్ బాబు హీరోగా నటించిన శ్రీరాములయ్య సినిమాలో ఓ పవర్ ఫుల్ రోల్ లో కనిపించి శభాష్ అనిపించుకున్నాడు.  ఆ తర్వాత హీరోగా కొన్ని సినిమాలు చేశాడు. ఆరోగ్య రీత్యా సినిమాలకు దూరం అయ్యాడు. నందమూరి వంశం నుంచి జూనియర్ ఎన్టీఆర్ తాత పోలికలతో తెలుగు ప్రజలను అలరిస్తున్నాడు. త్వరలో నందమూరి బాలకృష్ణ కుమారుడు కూడా హీరోగా ఎంట్రీ ఇవ్వబోతున్నాడు. అంతలోనే నాలుగో తరం నుంచి మరో హీరో వస్తున్నాడు.  హరికృష్ణ పెద్ద కుమారుడు జానకీరామ్ కాగా, ఆ జానకీరామ్ తనయుడు  నందమూరి తారకరామారావు హీరోగా వస్తున్నాడు. అయితే  ఇప్పటి దాకా వచ్చిన హీరోలంతా టాలీవుడ్ తో ఎంట్రీ ఇవ్వగా నాలుగో తరం ఎన్టీఆర్ మాత్రం ఏకంగా పాన్ ఇండియా స్థాయిలో హీరోగా పరిచయం అవుతున్నాడు.

న్యూ టాలెంట్ రోల్స్ బ్యాన‌ర్ పై వైవీఎస్ చౌదరి దర్శకత్వంలో నందమూరి తారకరామారావు హీరోగా పరిచయం కాబోతున్నాడు.  తెలుగమ్మాయి వీణారావు హీరోయిన్ కాగా, కీరవాణి సంగీతం అందిస్తన్నాడు. యలమంచిలి గీత ఈ సినిమాను నిర్మిస్తున్నారు. దీపావ‌ళి కానుక‌గా దర్శకుడు వైవీఎస్ చౌద‌రి తాజాగా నంద‌మూరి నాలుగో త‌రం న‌ట‌వార‌సుడి ఫ‌స్ట్ లుక్ ను రిలీజ్ చేశాడు.   పవర్ ఫుల్ లుక్స్ తో బేస్ వాయిస్ తో ఈ కొత్త ఎన్టీఆర్ ఆకట్టుకుంటున్నాడు.  బాబాయ్‌లు ఎన్టీఆర్‌, క‌ళ్యాణ్ రామ్‌ సోష‌ల్ మీడియా ద్వారా శుభాకాంక్షలు తెలిపారు.