Naga Chaitanya
Naga Chaitanya : అక్కినేని నవయువగ సామ్రాట్ హీరో నాగ చైతన్య వైవిధ్య సినిమాలతో ఠాణిస్తున్నాడు. కెరీర్ మొదట్లో కొన్ని రోటీన్ సినిమాలు చేసి దెబ్బతిన్న చైతూ తన స్వీయానుభవవంతోఆచితూచి సినిమాలు చేస్తున్నాడు. విభిన్న కథలను ఎంచుకుంటూ ముందుకు సాగుతున్నాడు. నాగ చైతన్య కు ప్లాఫులతో పాటు మంచి హిట్లూ ఉన్నాయి. మజిలీ, లవ్ స్టోరీలాంటి సినిమాల్లో తన ఎంతగానో ఆకట్టుకున్నాడు చైతూ. విభిన్నమైన సినిమాలు చేస్తూ కెరీర్ లో దూసుకుపోతున్నాడు. ఇటు సినిమాలతో పాటు మరో వైపు వెబ్ సిరీస్ లోనూ అడుగుపెట్టాడు. దూత అనే వెబ్ సిరీస్ లో నటించిన చైతూ తండేల్ అనే సినిమా షూటింగ్ లో బిజీగా ఉన్నాడు.
చందూ మొండేటి దర్శకత్వంలో తెరకెక్కుతున్న ఈ సినిమా త్వరలో ప్రేక్షకుల ముందుకు రానుంది. అయితే నాగ చైతన్య గతంలో సమంతను ప్రేమించి పెళ్లి చేసుకొని అనూహ్యంగా విడిపోయిన విషయం తెలిసిందే. బెస్ట్ పెయిర్ గా పేరు తెచ్చుకున్న ఈ స్టార్ కపుల్ విడిపోయి ఫ్యాన్స్ కు షాకిచ్చారు.
సమంత-చైతూ పెళ్లికి ముందే వారు విడిపోతారంటూ సంచలన వ్యాఖ్యలు చేశారు ప్రముఖ జ్యోతిష్యుడు వేణు స్వామి. అయితే అప్పట్లో ఈ వేణుస్వామి వ్యాఖ్యలను ఎవరూ పెద్దగా పట్టించుకోలేదు. కానీ ఆయన చెప్పినట్టే జరగడంతో సినీ ఇండస్ర్టీలోలని పలువురు వేణుస్వామి చుట్టూ ప్రదక్షణలు చేశారు. కొంతమంది స్టార్ హీరోయిన్సు ఆయన వద్ద ప్రత్యేక పూజలు కూడా చేయించుకున్నారు. నాగ చైతన్య ఇటీవల హీరోయిన్ శోభిత దూళిపాళ్లతో నిశ్చితార్థం చేసుకోగా, దీనిపైనా వేణు స్వామి మరో సారి జాతకం చెప్పాడు.
నాగ చైతన్య , శోభిత దూళిపాళ్ల కూడా కొద్ది రోజుల తర్వాత విడిపోతారంటూ వేణు స్వామి మరోసారి బాంబు పేల్చాడు. చైతన్య, శోభిత జాతకాల ప్రకారం వీరిద్దరూ 2027వరకు మాత్రమే కలిసి ఉంటారని చెప్పుకొచ్చాడు. ఆతర్వాత కలిసి ఉండే అవకాశాలు లేవని, వారి జాతకమే అంత అని చెప్పాడు. దీంతో వేణు స్వామిపై నాగ చైతన్య ఫ్యాన్స్ ఆగ్రహం వ్యక్తం చేస్తున్నారు. సామాజిక మాధ్యమాల్లో ట్రోల్ చేస్తున్నారు. వేణు స్వామి ప్రిడిక్షన్ కు నాగ చైతన్య కౌంటర్ ఇదే నంటూ వీడియోను వైరల్ చేస్తున్నారు.
గతంలో రానా హోస్ట్ గా చేసిన టాక్ షోకు నాగ చైతన్య గెస్ట్‌గా వెళ్లాడు. జాతకాలను నమ్ముతావా.? అంటూ రానా అడిగితే.. నాకు పాజిటివ్ గా ఉంటే నమ్ముతాను.. లేకుంటే నమ్మనని చెప్పాడు చైతన్య. ఈ వీడియోను ఇప్పుడు అక్కినేని ఫ్యాన్స్ సోషల్ మీడియాలో తెగ షేర్ చేస్తున్నారు. వేణు స్వామిక జాతకానికి చైతన్య కౌంటర్ ఇదేనంటూ ఈ వీడియోను వైరల్ చేస్తున్నారు.