Yawar Returned Eviction Pass : శివాజీ, రతికపై సీరియస్ అయినా నాగ్.. ఎవిక్షన్ పాస్ ను ఇచ్చేసిన యావర్..

Yawar Returned Eviction Pass

Yawar Returned Eviction Pass : బిగ్ బాస్ సీజన్ 7 తెలుగు షో ప్రజెంట్ ఎంతో రసవత్తరంగా నడుస్తుంది. కింగ్ నాగార్జున హోస్ట్ గా చేస్తున్న ఈ షో 10 వారాలు పూర్తి చేసుకుని 11వ వారం కూడా పూర్తి అయ్యేందుకు సిద్ధం అవుతుంది.. 11వ వారం వీకెండ్ ఎపిసోడ్ కు నాగ్ గ్రాండ్ ఎంట్రీ ఇచ్చాడు.. శనివారం ఎపిసోడ్ లో జరిగిన హైలెట్స్ ఇప్పుడు చూద్దాం..

సీజన్ 7 వారాలు గడిచే కొద్దీ మరింత ఉత్కంఠగా సాగుతుంది.. కంటెస్టెంట్స్ మధ్య బలమైన పోటీ నడుస్తుంది. శనివారం వీకెండ్ ఎపిసోడ్ లో నాగ్ ఎంట్రీ ఇచ్చి తేల్చుకోవాల్సిన విషయాలు ఉన్నాయని సీసా పగలగొట్టి మరీ చెప్పారు.. ముందుగా ప్రియాంకకు కెప్టెన్ అయినందుకు నాగ్ అభినందనలు తెలిపారు.

ఆ తర్వాత ఒక్కొక్కరిని పైకి లేపి ఈ వారం వారు చేసిన తప్పులను తెలిపారు. ముందుగా శివాజీ ఫోటోపై సీసా పగలగొట్టి ఆయన తరచు బూతులు మాట్లాడుతున్నారని వార్నింగ్ ఇచ్చారు.. అంతేకాదు ఎవిక్షన్ పాస్ టాస్క్ సమయంలో సంచాలక్ గా ఉన్న శోభాతో గొడవ పెట్టుకున్న విషయం కూడా అడుగగా గతంలో శోభా సంచాలక్ గా తప్పు చేసిందని అందుకే ఇప్పుడు తప్పు చేయకుండా నిర్ణయం తీసుకునేందుకు హెచ్చరించినట్టు తెలిపింది.

ప్రశాంత్ కెప్టెన్సీ టాస్క్ లో ఏడుస్తూ ఆడడం గురించి మాట్లాడుతూ ఏడుస్తూ ఆడితే గేమ్ పై ఫోకస్ తగ్గుతుంది అని అన్నాడు.. ఇక రతికా ఫోటోపై ఏకంగా మూడు సీసాలను నాగ్ పగలగొట్టారు.. ఈమె ఏమాత్రం టాస్కులలో యాక్టివ్ గా లేదని హెచ్చరించారు. ఆ తర్వాత ఎవిక్షన్ పాస్ గురించి నాగ్ యావర్ ను ప్రశ్నించాడు.

పూర్తిగా రూల్స్ బ్రేక్ చేసి ఆడావు అంటూ నాగ్ వీడియో చూపించడంతో యావర్ నేను తప్పుగా గేమ్ ఆడి ఉంటే ఆ ఎవిక్షన్ పాస్ ను తీసుకోమని నాగార్జునకు చెప్పడంతో నాగ్ ఎవిక్షన్ పాస్ ను వెనక్కి తీసుకున్నాడు.