Chiranjeevi : చిరంజీవిని కౌగిలించుకొని ఏడ్చిన ‘మై విలేజ్ షో’ అనిల్.. చిరంజీవి ఏం చేశారంటే?

Chiranjeevi

Chiranjeevi : యూ ట్యూబ్ లో వచ్చే ‘మై విలేజ్ షో’ వీడియోలు చూడని తెలుగువాడు ఉండరంటే అతిశయోక్తి కాదు. షార్ట్ ఫిలిం రంగంలో మంచి గుర్తింపు దక్కించుకుంది. ముఖ్యంగా తెలంగాణ యాస భాషతో చేసే వీడియోలకు అద్భుతమైన రెస్పాన్స్ ఉంటుంది.

28 ఏళ్ల శ్రీకాంత్ శ్రీరామ్  2012లో ‘మై విలేజ్ షో’ పేరుతో యూ ట్యూబ్ ఛానల్‌ స్థాపించాడు. జగిత్యాలలోని తన గ్రామమైన లంబాడిపల్లిలో ఛానల్ పురుడు పోసుకుంది. ఇంతింతై వటుడింతై అన్నట్లు రోజు రోజుకు పెరుగుతూ 700 కే సబ్‌స్క్రైబర్లను కలిగి ఉంది. ఈ ఛానల్ కే కేవలం తెలంగాణ నుంచే కాకుండా ప్రపంచ వ్యాప్తంగా అభిమానులను ఉన్నారు. ఇందులో నటిస్తున్న వారు వెండితెరవైపునకు కూడా వెళ్తున్నారు. ఇందులోని అనిల్ విజయ్ దేవరకొండతో చిత్రంలో కూడా కనిపించాడు.

కేవలం ఎంటర్ టైన్ మెంట్ కే కాకుండా సోషల్ అవేర్ నెస్ ను కూడా ఛానల్ లో చూపించారు. స్వచ్ఛ భారత్, మరుగుదొడ్ల శుభ్రత, నీటి పొదుపు, ఇంకుడు గుంతల ఏర్పాటు తదితర చాలా అవేర్ నెస్ ప్రోగ్రామ్స్ చేశారు.

ఇక, ఈ ఛానల్లో నటించే వారు బిగ్ బాస్, వెబ్ సిరీస్ ఇలా చాలా ఫేమస్ అయ్యారు. ఇందులో నటించిన గంగవ్వ గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. మై విలేజ్ షో నుంచే గంగవ్వ విదేశాలు తిరిగి వచ్చింది. దీంతో పాటు సమంత లాంటి స్టార్ ను ఇంటర్వ్యూ చేసింది. రీసెంట్ గా సేవ్ ది టైగర్ లో కూడా ఫేమస్ పాత్ర పోషించింది.

మై విలేజ్ షోలో మరో ఫేమస్ నటుడు అనిల్. గంగవ్వ, అనిల్ మధ్య ఉన్న బంధం గురించి ప్రత్యేకంగా చెప్పాల్సిన అవసరం లేదు. దాదాపు ఈ ఛానల్ వీరి మధ్య ఉన్న నానమ్మ, మనుమడు సంభాషణలతోనే చాలా వరకు హిట్ అయ్యింది.

మై విలేజ్ షో #Origin Dayను నిర్వహించాడు. ఈ కార్యక్రమానికి చిరంజీవి చీఫ్ గెస్ట్ గా వచ్చారట. చిరంజీవిని అంత దగ్గరగా చూసిన అనిల్ ఏడుపు ఆపుకోలేకపోయాడు. వెంటనే ఏడ్చేశాడు. మెగాస్టార్ ను కౌగిలించుకొని కన్నీరు పెట్టుకున్నాడు. దీంతో చిరంజీవి కూడా అనిల్ అభిమానానికి తట్టుకోలేకపోయాడు. ఆయన కూడా ఆనంద భాష్పాలు రాల్చారు. ఈ వీడియో ఇప్పుడు నెట్టింట్లో వైరల్ గా మారింది.