superhero : మా నాన్న సూపర్ హీరో ట్రైలర్ విడుదల.. నాన్నకోసం ఏం చేసిన తప్పు కాదు
superhero
Maa Nanna superhero : సుధీర్ బాబు హీరోగా, అర్నా హీరోయిన్ గా నటించిన చిత్రం “మా నాన్న సూపర్ హీరో”. నూతన దర్శకుడు అభిలాష్ రెడ్డి కంకర దర్శకత్వం వహించిన ఈ చిత్రానికి సునీల్ బలుసు నిర్మాతగా వ్యవహరించారు. ఈ చిత్రాన్ని తండ్రి సెంటిమెంట్ బ్యాక్ డ్రాప్ లో చిత్రీకరించారు. ఇప్పటికే విడుదలైన ఈ సినిమా పాటలు, టీజర్‌కు ప్రేక్షకుల నుంచి మంచి స్పందన వచ్చింది. అయితే రీసెంట్ గా ‘మా నాన్న సూపర్ హీరో’ సినిమా ట్రైలర్ ను విడుదల చేసింది చిత్ర యూనిట్. ఈ చిత్రం ట్రైలర్ ను మహేష్ బాబు విడుదల చేశారు.
తండ్రిని అమితంగా ప్రేమించే కొడుకు పాత్రలో సుధీర్ బాబు కూల్ గా కనిపించాడు. సాయాజీ షిండే, సాయి చంద్ విభిన్న పాత్రల్లో మెప్పించారు. చిన్నప్పుడు సుధీర్ బాబుని డబ్బులకు అమ్మే సన్నివేశంతో ట్రైలర్ స్టార్ట్ అవుతుంది. ఆ తర్వాత తండ్రీకొడుకుల మధ్య సాగే ఎమోషనల్ సీన్స్, కళ్లద్దాలు పెట్టుకుంటే ప్రపంచం మారదు, ప్రేమతో చేసినంత మాత్రాన తప్పు తప్పుకాకుండా పోదు అంటూ సుధీర్ బాబు చెప్పే డైలాగులు బాగున్నాయి. సుధీర్ బాబుకు తన తండ్రితో ఉన్న గాఢమైన ఎమోషనల్ బాండ్ ను తెలియజేస్తూ ట్రైలర్ కట్ చేయడంతో సినిమాపై క్యూరియాసిటీ పెరిగింది.
ఇదిలా ఉంటే మా నాన్న సూప ర్ హీరో సినిమా అక్టోబ ర్ 11న ప్రేక్ష కుల ముందుకు రానుంది.. గత కొన్నాళ్లుగా సరైన హిట్ అందుకోలేక సతమతమవుతున్న హీరో సుధీర్ బాబు.. ఈ సినిమాతో హిట్ ట్రాక్ ఎక్కేందుకు ప్రయత్నిస్తున్నాడు. మరి ఈ ఫాదర్ సెంటిమెంట్ వర్కవుట్ అవుతుందో లేదో చూడాలి.