Search
HomeExclusive

Viral Video : షాక్ లో ముద్రగడ..తండ్రిని తీవ్రంగా వ్యతిరేకించిన కూతురు.. వీడియో వైరల్

Viral Video

Viral Video

Viral Video : ఏపీలో ఎన్నికల ప్రచారం ఉధృతంగా సాగుతోంది. ఎన్నికలకు మరో పది రోజులే ఉండడంతో నేతలంతా ప్రచారంలో ఫుల్ బిజీ అయిపోయారు. రాష్ట్రంలో అన్ని నియోజకవర్గాల్లో కెల్లా పిఠాపురం ఎన్నికపైనే ప్రజలు అత్యంత ఆసక్తిని కనబరుస్తున్నారు. మిగతా నియోజకవర్గాలన్నీ ఒక ఎత్తు..పిఠాపురం ఒక ఎత్తు అన్నట్టు మారిపోయింది పరిస్థితి. పవన్ ను ఈ ఎన్నికల్లో కూడా ఓడించాలని వైసీపీ ఓ రేంజ్ లో పావులు కదుపుతోంది. ఇందులో భాగంగా కాపు సీనియర్ నేత ముద్రగడను వైసీపీలోకి చేర్చుకుంది. ఆయనతో పవన్ ను టార్గెట్ చేయిస్తోంది. ఈసమయంలో అనూహ్యంగా ముద్రగడకు భారీ షాక్ తగిలింది.

వచ్చే ఎన్నికల్లో పిఠాపురంలో పవన్ ఓడిపోతున్నారని, అలా జరుగకపోతే తన పేరు పద్మనాభరెడ్డిగా మార్చుకుంటానని తాజాగా ఆయన పెద్ద సవాలే విసిరారు. ఇది జరిగిన రెండు రోజుల్లోనే ఆయన కుటుంబం ఆయనతో విభేదిస్తూ పవన్ కల్యాణ్ కు మద్దతు పలకడం గమనార్హం. ముద్రగడ కుమార్తె బార్లపూడి క్రాంతి తాజాగా ఓ వీడియో విడుదల చేశారు. ఇందులో తన తండ్రిపై సంచలన వ్యాఖ్యలు చేశారు.

కేవలం పవన్ కల్యాణ్ ను తిట్టడానికే ముద్రగడను జగన్ వాడుతున్నాడని ఆయన కుమార్తె క్రాంతి ఆవేదన వ్యక్తం చేశారు. దీనికి వ్యతిరేకంగా పిఠాపురంలో పవన్ కల్యాణ్ గెలుపు కోసం తన వంతు కృషి చేస్తానని క్రాంతి ప్రకటించారు. పిఠాపురంలో పవన్ ను ఓడించేందుకు వైసీపీ నేతలు ఎన్ని చేయాలో అన్నీ చేస్తారన్నారు. ముద్రగడ పవన్ పై విసిరిన సవాల్ వెనుక కాన్సెప్ట్ ఏంటో అర్థం కావడం లేదన్నారు. వంగా గీతను గెలిపించడానికి ముద్రగడ పద్మనాభం కష్టపడొచ్చని, కానీ పవన్ ను, ఆయన అభిమానులను కించపరిచేలా కామెంట్స్ చేయకూడదని క్రాంతి కోరారు. ఈ ఎన్నికల తర్వాత ముద్రగడను ఎటూ కాకుండా వైసీపీ వదిలేయడం పక్కా అని క్రాంతి జోస్యం చెప్పారు. కాబట్టి ఈ విషయంలో తన తండ్రి ముద్రగడను పూర్తిగా వ్యతిరేకిస్తున్నట్లు ఆమె తెలిపారు.

TAGS