Aamir Khan : మహేశ్ బాబు కోసం మిస్టర్ ఫర్ఫెక్ట్ అమీర్ ఖాన్ ఏం చేశాడో తెలుసా?

Aamir Khan, Rajamouli and Mahesh Babu

Aamir Khan and Mahesh Babu : బాలీవుడ్ లో మిస్టర్ పర్‌ఫెక్ట్ ఎవరో మనకు తెలియంది కాదు అతనే అమీర్ ఖాన్. ఆయన సినిమాలంటే కేవలం భారత్ లోనే కాదు.. ఇతర దేశాల్లో కూడా బాగా ఇష్టపడుతుంటారు. ఈ మధ్య ఆయన మూవీస్ అడపా దడపానే వస్తు్న్నాయి. ఆయన టాలీవుడ్ హీరో మహేశ్ బాబు కోసం చేస్తున్న పనిని చేస్తే ఆశ్చర్యం వేయకమానదు.

దేశంలోనే అత్యంత భారీ బడ్జెట్ సినిమాగా #SSMB29 రాబోతోంది. దర్శక ధీరుడు ఎస్ఎస్ రాజమౌళి సూపర్ స్టార్ మహేశ్ బాబుతో ఈ సినిమాను తెరకెక్కించబోతున్నారు. ప్రస్తుతం ప్రీ ప్రొడక్షన్ పనులు జరుగుతున్నాయి. ఈ మూవీకి సంబంధించి ఒక న్యూస్ ఫిల్మ్ ఇండస్ట్రీలో చక్కర్లు కొడుతోంది. ఈ మూవీలో అమీర్ ఖాన్ నటించవచ్చన్న వార్తలు వైరల్ అవుతున్నాయి. రూ. 1000 కోట్లతో నిర్మిస్తున్న ఈ సినిమాలో ఓ లీడ్ రోల్ కోసం ఆయనను సంప్రదించినట్లు టాక్. దీనికి సంబంధించి రహస్యంగా చర్చలు కూడా జరిగాయన్న పుకారు షికారు చేస్తోంది.

‘లాల్ సింగ్ చద్దా’ ఫ్లాప్ తర్వాత అమీర్ ఖాన్ ఇప్పటి వరకు ఎలాంటి సినిమా చేయలేదు. ప్రస్తుతం ఆయన వద్ద ఎలాంటి ప్రాజెక్టులు లేవని తెలుస్తోంది. దర్శకుడు ఎస్ఎస్ రాజమౌళి దర్శకత్వంలో రానున్న చిత్రంలో అమీర్ ఖాన్ భాగం కావచ్చన్న వార్తలు వినిపిస్తున్నాయి. ఇందులో విలన్ పాత్రను ఇచ్చే అవకాశం ఉందని తెలుస్తోంది. ఈ వార్తలపై ఇప్పటి వరకూ ఫిల్మ్ మేకర్స్, అమీర్ ఖాన్ స్పందించలేదు. దీంతో ఇది పుకారేనని అని చాలా మంది భావించారు. ఇప్పుడు మరో లెటెస్ట్ అప్‌డేట్ రావడంతో చర్చ జరుగుతోంది.

బాహుబలి దర్శకుడు రాజమౌళి, అమీర్ ఖాన్ కొద్ది రోజుల క్రితం ముంబైలో కలుసుకున్నారని ఓ మీడియా కథనం ప్రచురించింది. ఇది #SSMB29 కోసమే కావచ్చు అని కూడా పేర్కొంది. అధికారికంగా ఎటువంటి ప్రకటన చేయలేదు. #SSMB29 లో లీడ్ రోల్ కోసం మిస్టర్ పర్ ఫెక్ట్ ను రాజమౌళి  సంప్రదించినట్లు తెలుస్తోంది. #SSMB29లో అమీర్ ఖాన్ భాగమైతే సూపర్ మల్టీ స్టారర్ చిత్రం కాబోతోంది.

దక్షణాదితో ఉత్తరాది కలయిక..

#SSMB29లో అమీర్ ఖాన్ భాగమవుతారా? అనేది కాలమే నిర్ణయిస్తుంది. కొంత కాలంగా సినీ ఇండస్ట్రీ ఉత్తర, దక్షిణ అనే బేధాభిప్రాయాలను చెరిపేస్తుంది. ఇటీవల బాలీవుడ్ నుంచి సౌత్ ఇండస్ట్రీకి, సౌత్ ఇండస్ట్రీ నుంచి బాలీవుడ్ కు రాకపోకలు ఎక్కువయ్యాయి. హృతిక్ ‘వార్ 2’లో యంగ్ టైగర్ ఎన్టీఆర్ కనిపించబోతున్నాడు. జాన్వీ కపూర్, కియారా అద్వానీ ఎన్టీఆర్, రామ్ చరణ్‌తో కలిసి పనిచేస్తున్నారు. గతంలో బాలీవుడ్ నటీనటులు దక్షిణాదిలో ఎక్కువగా నటించారు. ప్రస్తుతం ఈ జాబితా రోజురోజుకు పెరుగుతోంది.