New Movies : ఈ వారం విశ్వక్, కార్తికేయ, ఆనంద్ ల మూవీలు.. థియేటర్లకు రప్పించేది ఎవరో చూడాలి
New Movies
New Movies : ఈ వారంలో విశ్వక్సేన్ ‘గ్యాంగ్స్ ఆఫ్ గోదావ‌రి’, కార్తికేయ ‘భజే వాయు వేగం’, ఆనంద్ దేవరకొండ ‘గం గం గ‌ణేషా’ విడుదల కానున్నాయి. ‘గ్యాంగ్స్ ఆఫ్ గోదావ‌రి’ విశ్వక్సేన్, అంజలి, నేహా శెట్టిలతో అలరిస్తోంది. ఈ సినిమాలో విశ్వక్ సేన్ మాస్ అవతారంలో కనిపించనున్నాడు. ఈ మూవీకి సంబంధించిన టీజర్, ట్రైలర్ ఇప్పటికే అలరించాయి. ఈ చిత్రానికి యువన్ శంకర్ రాజా సంగీతం అందించాడు. ఇప్పటికే ఓ పాట ప్రజల నోళ్లలో నానుతోంది. దీంతో విశ్వక్ సేన్ చిత్రానికి ఎక్కువ విజయావకాశాలు ఉన్నాయని టాక్ వినిపిస్తోంది.
కార్తికేయకు ఆర్ ఎక్స్ 100 తర్వాత అంత పెద్ద హిట్ పడలేదు. కానీ చాలా మంచి ప్రయత్నాలు చేశాడు. కార్తికేయ డైరెక్ట్ హిరోగా.. సెకండ్ హిరోగా నాని మూవీలో కూడా నటించి మెప్పించాడు. లావణ్య త్రిపాఠితో కలిసి నటించిన చావు కబురు చల్లగా మూవీలో కార్తికేయ సూపర్ పర్ఫామెన్స్ తో మెప్పించాడు. ప్రస్తుతం భజే వాయు వేగం మూవీలో ఈ వారం ప్రేక్షకుల ముందుకు రాబోతున్నాడు. ఈ మూవీ టీజర్, ట్రైలర్ మెప్పించాయి. ఓ బ్యాగ్ చుట్టూ తిరిగే కథాంశం ఉన్నట్లు ట్రైలర్ చూస్తే తెలుస్తోంది. నాన్న ఎమోషన్, గ్యాంగ్ వార్ లు ప్రధాన ఆకర్షణగా నిలవనున్నాయి.
బేబీ`తో మూవీతో తనకంటూ ప్రత్యేక పేరు సంపాదించుకున్న ఆనంద్ దేవరకొండ ప్రస్తుతం గం గం గణేశాతో ఆడియన్స్ ముందుకు రాబోతున్నాడు. ఈ వారంలో విడుదల కానున్న ఈ మూవీ ప్రమోషన్స్ కోసం రష్మిక మందన్నా కూడా హాజరై ఆనంద్ తో పిచ్చాపాటి మాట్లాడింది. ఇది ఒక దొంగ కథ కాగా.. వినాయకుడి విగ్రహం ఎత్తుకెళ్లడం దాని చుట్టూ కథ నడుస్తుంది. కామెడీ, ట్విస్టులు, సస్పెన్స్, థ్రిల్లర్ జోన్ లతో కూడిన ఈ మూవీపై ఆనంద్ దేవరకొండ చాలా భారీ హోప్స్ పెట్టుకున్నారు. ఈ వారంలోనే సత్యభామ, హరోం హర కూడా రిలీజ్ కానుండగా.. నిర్మాతలు వాటిని వాయిదా వేసుకున్నారు.