PM Modi
PM Modi : ఎన్డీయే కూటమి ప్రధాని అభ్యర్థి నరేంద్ర మోదీ మూడోసారి బాధ్యతలు చేపట్టనున్నారు. జూన్ 8న ఎన్డీయే కూటమి తరపున ప్రధానిగా ప్రమాణ స్వీకారం చేసే అవకాశం ఉంది. ఆ తర్వాత ఆయన మొదటి విదేశీ టూర్ ఇటలీకి వెళ్లనున్నారు. ఇటలీ ప్రధాని జార్జియా మెలోని జి-7 సమావేశానికి హాజరుకావాలని నరేంద్ర మోదీని ఆహ్వానించారు. జూన్ 13, 14 తేదీల్లో గ్రూప్ ఆఫ్ సెవెన్ (జి-7) సమావేశానికి భారత్ ప్రధాని హోదాలో మోదీ హాజరుకానున్నారు. లోక్ సభ ఎన్నికల్లో అత్యధిక సీట్లు గెలిచిన తర్వాత జార్జియా మెలోని మోదీకి అభినందనలు తెలిపారు.
జి-7 సమ్మిట్ 2024 జూన్ 13 నుంచి 15 తేదీలలో అపులియాలోని బోర్గో ఎగ్నాజియాలో నిర్వహిస్తున్నారు. అమెరికా అధ్యక్షుడు జో బైడెన్, కెనడా ప్రధాని జస్టిస్ ట్రూడో, బ్రిటన్ ప్రధాని రిషి సునక్, ఫ్రాన్స్ కు చెందిన ఇమ్మాన్యుయేల్ మాక్రాన్, జపాన్ కు చెందిన ఫ్యూమియో కిషిసా మరియు జర్మన్ ఛాన్సలర్ ఓలాఫ్ స్కోల్జ్ ఈ కార్యక్రమానికి హాజరవుతారని సమాచారం.