Modi – UAE : మోడీ గల్ఫ్ దేశాల పర్యటన ప్రారంభమైంది. మొదటగా యూఏఈ దేశంలో మోడీ అడుగుపెట్టారు. అక్కడ మోడీకి ఊహించని రీతిలో అదిరిపోయే స్వాగతం లభించింది. ప్రధాని నరేంద్ర మోదీ, యూఏఈ అధ్యక్షుడు షేక్ మొహమ్మద్ బిన్ జాయెద్ అల్ నహ్యాన్ మంగళవారం ద్వైపాక్షిక చర్చలు జరిపారు. ద్వైపాక్షిక పెట్టుబడి ఒప్పందంతో సహా ఎనిమిది ఒప్పందాలను మార్పిడి చేసుకున్నట్ల తెలిపారు. ఇరు దేశాల్లో పెట్టుబడులను ప్రోత్సహించడంలో ఈ ఒప్పందం కీలక పాత్ర పోషిస్తుంది. అబుదాబిలో తొలి హిందూ దేవాలయం నిర్మాణానికి సహకరించినందుకు యూఏఈ అధ్యక్షుడికి మోదీ కృతజ్ఞతలు తెలిపారు. ఈ సమావేశంలో ప్రస్తుతం ప్రతి రంగంలో భారత్ – యుఏఇ మధ్య పరస్పర భాగస్వామ్యాన్ని మోదీ హైలైట్ చేశారు. నేను ఇక్కడికి వచ్చినప్పుడల్లా, నా ఇంటికి, కుటుంబానికి వచ్చినట్లు నేను భావిస్తున్నాను అని మోదీ అన్నారు.
మోడీ తన రెండు రోజుల పర్యటన సందర్భంగా అబుదాబిలో మొదటి హిందూ దేవాలయం – బోచసన్వాసి శ్రీ అక్షర్ పురుషోత్తం స్వామినారాయణ సంస్థ (BAPS) మందిర్‌ను ప్రారంభించి, దేశంలోని అగ్ర నాయకత్వంతో చర్చలు జరుపుతారని పీటీఐ నివేదించింది. గత ఎనిమిది నెలల్లో ప్రధాని మోడీ యూఏఈకి ఇది మూడవ పర్యటన.. 2015 నుండి ఆయన ఏడవది. ప్రపంచ ప్రభుత్వ సదస్సు 2024లో పాల్గొనడం కూడా ఉంది. భారతదేశానికి యూఏఈ కీలకమైన దౌత్య భాగస్వామి. భారతదేశంలోని యుఎఇ రాయబారి అబ్దుల్నాసర్ అల్షాలీ మాట్లాడుతూ “మా ద్వైపాక్షిక సంబంధాలకు మార్గనిర్దేశం చేసే సహనం, అంగీకార విలువలతో బీఏపీఎస్ ఆలయ ప్రారంభోత్సవం” అని అన్నారు.
తన యుఏఇ పర్యటన తర్వాత ప్రధాని ఫిబ్రవరి 15న దోహాకు వెళతారు. ఖతార్‌లోని అధికారులు సోమవారం ఎనిమిది మంది మాజీ భారత నావికాదళ సిబ్బందిని విడుదల చేసిన తర్వాత మోడీ ఈ పర్యటన చోటుచేసుకోవడం విశేషం.. గూఢచర్యం ఆరోపణలపై ఖతార్‌లో నేవీ అనుభవజ్ఞులు జైలు పాలయ్యారు. యుఏఈ , ఖతార్ రెండింటితో భారతదేశ సంబంధాలను ప్రధాని మోదీ ప్రశంసించారు. “ఖతార్‌లో నేను హిస్ హైనెస్ షేక్ తమీమ్ బిన్ హమద్ అల్ థానీని కలవాలని ఎదురుచూస్తున్నాను. ఆయన నాయకత్వంలో ఖతార్ అద్భుతమైన అభివృద్ధి, పరివర్తనకు సాక్ష్యంగా కొనసాగుతోంది. భారతదేశం – ఖతార్ చారిత్రాత్మకంగా సన్నిహిత , స్నేహపూర్వక సంబంధాలను కొనసాగిస్తున్నాయి” అని మోడీ ట్వీట్ చేశారు.