Nitish Kumar
Nitish Kumar : బీహార్ సీఎం నితీశ్ కుమార్ ప్రచారంలో తడబడ్డారు. నరేంద్ర మోదీ మరోమారు ముఖ్యమంత్రి కావాలని ఆకాంక్షించారు. అధికార ఎన్డీయే తరపున ఆదివారం పాట్నాలో ఎన్నికల ప్రచారంలో పాల్గొన్న ఆయన ఈ వ్యాఖ్య చేశారు.
‘‘మేం (ఎన్డీయే) దేశవ్యాప్తంగా 400కు పైగా స్థానాల్లో గెలవాలని, నరేంద్ర మోదీ మరోమారు ముఖ్యమంత్రి కావాలని కోరుకుంటున్నాను. అప్పుడే భారత్ అభివృద్ధి చెందుతుంది. బిహార్ అభివృద్ధి చెందుతుంది. ప్రతిదీ జరుగుతుంది’’ అని నితీశ్ పేర్కొన్నారు. అక్కడే ఉన్న నేతలు అప్రమత్తం చేయడంతో ముఖ్యమంత్రి తన ప్రసంగాన్ని సరిచేసుకున్నారు. మోదీ మరోమారు ప్రధాని కావాలన్నదే తన ఉద్దేశమని స్పష్టం చేశారు. నితీష్ ఇటీవల ఎన్నికల ప్రచార సభలో పొరపాటున నోరుజారారు. 2020లో మరణించిన రామ్ విలాస్ పాశ్వాన్ కు ఓటు వేయాలని కోరారు. ఈ సార్వత్రిక ఎన్నికల్లో బీజేపీ-జేడీయూ-ఎల్జేపీ కూటమిగా ఏర్పడి బీహార్ లో పోటీ చేస్తున్నాయి.