Bhashyam Praveen : దొడ్లేరు గ్రామంలో పర్యటించిన ఎమ్మెల్యే అభ్యర్థి భాష్యం ప్రవీణ్

Bhashyam Praveen

Bhashyam Praveen : క్రోసూరు మండలం దొడ్లేరు గ్రామంలోని రావిపాటి కళ్యాణ మండపంలో ఆదివారం  పెదకూరపాడు నియోజకవర్గ స్థాయి తెలుగు యువత, టీఎన్ఎస్ఎఫ్, టీడీపీ, జనసేన యువత, బిజెపి యువత ఉమ్మడి సమావేశం నిర్వహించారు. ఈ సమావేశంలో ముఖ్య అతిథులుగా  పెదకూరపాడు నియోజకవర్గ తెలుగుదేశం, జనసేన, బిజెపి ఉమ్మడి ఎమ్మెల్యే అభ్యర్థి భాష్యం ప్రవీణ్, విజ్ఞాన సంస్థల చైర్మన్ లావు రత్తయ్య పాల్గొన్నారు. ఈ సందర్భంగా డా. బి.ఆర్ అంబేద్కర్ చిత్రపటానికి, నందమూరి తారక రామారావు విగ్రహానికి పూలమాలలు వేసి నివాళులు అర్పించారు.

అనంతరం నియోజకవర్గ యువతను ఉద్దేశించి మాట్లాడారు. ముఖ్యంగా యువత ఎన్నికల్లో పోషించాల్సిన పాత్రను వారు వివరించారు. ఓటుహక్కును సద్వినియోగం చేసుకుని, రాబోయే తరాల అభివృద్ధి కోసం పాటుపడే తెలుగుదేశం, జనసేన, బిజెపి ఉమ్మడి ఎమ్మెల్యే అభ్యర్థి భాష్యం ప్రవీణ్ ను గెలిపించాలని కోరారు. ఈ కార్యక్రమంలో తెలుగు యువత, టిఎన్ఎస్ఎఫ్, ఐటిడిపి, జనసేన యువత, బిజెపి యువత, నాయకులు, కార్యకర్తలు పెద్ద ఎత్తున పాల్గొన్నారు.