Double iSmart
Double iSmart : పూరి జగన్నాథ్ తన దర్శకత్వ ప్రతిభను మరోసారి చాటుకోవాల్సిన అవసరం వచ్చింది. లైగర్ అట్టర్ ఫ్లాప్ తో భారీగా నష్టపోయిన పూరీ కసితో రామ్ హీరోగా ‘డబుల్ ఇస్మార్ట్’ మూవీ తీస్తున్న విషయం తెలిసిందే. నిన్న ఆ సినిమా టీజర్ విడుదల చేశారు. అయితే టీజర్ పై సగటు ప్రేక్షకుల స్పందన అంతంత మాత్రంగానే ఉంది. టీజర్ మరీ ప్రత్యేకంగా ఏమి లేదంటున్నారు. రెగ్యులర్ గా సినిమాలు చూసే మూవీ లవర్స్ సైతం ఏదేదో ఊహించుకున్నామని, కానీ ఇస్మార్ట్ శంకర్ టెంప్లేట్ నే వాడి దానికి సంజయ్ దత్ విలనిజం జోడించడం తప్ప ఇంకేమి అనిపించలేదని అభిప్రాయం వ్యక్తం చేస్తున్నారు. అయితే కొందరు మాత్రం మాస్ కంటెంట్ అదిరింది అంటున్నారు.
ఇవన్నీ దర్శకుడు పూరి జగన్నాథ్ గమినిస్తూనే ఉంటారు. ఎందుకంటే తర్వాత ప్లాన్ చేయబోయే ప్రమోషన్లకు ఇవి చాలా కీలకం. లైగర్ డిజాస్టర్ ఎఫెక్ట్ నుంచి బయటపడాలంటే, ఆయనకు మార్కెట్ పరంగా ఈ సినిమా చాలా ముఖ్యం. దీంతో ఈ మూవీపై ఆడియన్స్ లో అంచనాలను మరింత పెంచాలి. అంతే తప్ప దిమాక్ ఖరాబ్ వంటి ట్రెండీ పదాలతో మళ్లీ పని జరుగాలంటే కుదరదు. ఇంకోవైపు ట్రోలింగ్ లు బాగానే చేస్తున్నారు. ఇవన్నీ పూరి దృష్టిలో పెట్టుకుని సినిమాను ఆకట్టుకునేలా తీయాల్సి ఉంటుంది.
పెద్ద సినిమాలకు ప్రీ రిలీజ్ బజ్ ఎలాంటి ప్రభావం చూపిస్తుందో మనకు తెలిసిందే. దీన్ని బిల్డ్ చేసుకోవడంలో ఏ మాత్రం తడబడినా ఆ ఎఫెక్ట్ నేరుగా ఓపెనింగ్స్ పై పడుతుంది. సినిమాలో బోలెడు అంశాలు ఉండవచ్చు. ట్రైలర్ కోసం కొన్నింటిని దాయవచ్చు. కానీ అంచనాలు పెంచే క్రమం మాత్రం పద్ధతిగా ఉండాలి. మణిశర్మ పాటలు బజ్ విషయంలో కీలకం కాబోతున్నాయి. మొదటి భాగం బ్లాక్ బస్టర్ కావడానికి మణిశర్మ సంగీతం ఎంతో ఉపకరించింది. అలాగే పార్ట్ టూ కూడా సక్సెస్ కావాలంటే మరింత ఎక్కువ కష్టపడాల్సిందే. మరి పూరి జగన్నాథ్ ఎలాంటి స్ట్రాటజీతో ముందుకెళ్తారో చూడాలి.