Trishna Ray
Trishna Ray : ఈ ఏడాదికిగాను మిస్ టీన్ యూనివర్స్ కిరీటాన్ని భారత్ కు చెందిన తృష్ణా రే దక్కించుకున్నారు. ఇటీవల దక్షిణాఫ్రికాలోని క్లింబరీ వేదికగా ఈ అందాల పోటీలు జరిగాయి. ఈ పోటీల్లో పెరూ, దక్షిణాఫ్రికా, బ్రెజిల్, కెన్యా, పోర్చుగల్, నమీబియా, నెదర్లాండ్స్ సహా వివిధ దేశాలకు చెందిన అందగత్తెలు పాల్గొన్నారు. పోటీల్లో ఉన్న అందరినీ వెనక్కినెట్టి 19 ఏళ్ల తృష్ణా రే మిస్ టీన్ యూనివర్స్ కిరీటాన్ని సొంతం చేసుకున్నారు.
పెరూకు చెందిన అన్నే థోర్సెస్, నమీబియాకు చెందిన ప్రెషియస్ ఆండ్రీ రెండు, మూడు స్థానాల్లో నిలిచారు. తృష్ణా రే కల్నల్ దిలీప్ కుమార్ రే, రాజశ్రీ రేల కుమార్తె. ఆమె ఒడిశా రాష్ట్రానికి చెందిన యువతి. ప్రస్తుతం భువనేశ్వర్ లో కేఐఐటీ యూనివర్సిటీలో ఫ్యాషన్ టెక్నాలజీ చదువుతున్నారు. గత ఏడాది ఏప్రిల్ లో జరిగిన మిస్ టీన్ యూనివర్స్ ఇండియా పోటీల్లో విజేతగా తృష్ణా నిలిచింది. తాజాగా అంతర్జాతీయి వేదికపై జరిగిన పోటీల్లోనూ విజయం సాధించారు.