Rash Driving : మైనర్ బాలుడి ర్యాష్ డ్రైవింగ్.. బైక్ లను ఈడ్చుకెళ్లిన కారు

Rash Driving

Rash Driving : రంగారెడ్డి జిల్లా మణికొండ మున్సిపాలిటీ పరిధిలో కారు బీభత్సం సృష్టించింది. గోల్డెన్ టెంపుల్ దగ్గర రోడ్డుపై పార్కింగ్ చేసిన బైకులను ఢీకొట్టింది. ఈ ఘటనలో ఇద్దరికి గాయాలయ్యాయి. సుమరు 20 బైకులు పాక్షికంగా ధ్వంసమయ్యాయి. ఈ సంఘటనకు కారణమైన కారును స్థానికులు వెంబడించి పట్టుకున్నారు. కారును డ్రైవ్ చేసింది మైనర్ గా గుర్తించారు.

ఈ ఘటనలో బాధితులు బాలుడిపై ఆగ్రహం వ్యక్తం చేశారు. బాలుడితో కలిసి అతని ఇంటి వద్దకు చేరుకొని తల్లిదండ్రులతో మాట్లాడారు. గొడవ సద్దుమణగక పోవడంతో బాధితులు నార్సింగి పోలిస్ స్టేషన్ లో ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేస్తున్నారు.