Minister Lokesh : యూకే మాజీ ప్రధానితో మంత్రి లోకేశ్ దంపతుల భేటీ

Minister Lokesh : యూకే మాజీ ప్రధాని టోనీ బ్లెయిర్ తో ఏపీ మంత్రి నారా లోకేశ్-బ్రాహ్మణి దంపతులు భేటీ అయ్యారు. దీనికి సంబంధించిన విశేషాలను ఎక్స్ వేదికగా లోకేశ్ పంచుకున్నారు. ఏఐ ప్రాముఖ్యత గురించి అర్థవంతమైన చర్చలు జరిపామని పేర్కొన్నారు.

గవర్నమెంట్ కార్యకలాపాలు, విద్యా, ఆరోగ్య రంగాల్లో ఏఐను ఉపయోగించుకోవడం తదితర అంశాలపై టోనీ బ్లెయిర్ విలువైన సలహాలు ఇచ్చారని వెల్లడించారు. టోనీ బ్లెయిర్ కు చెందిన ఇన్స్టిట్యూట్ ఆఫ్ గ్లోబల్ చేంజ్ ద్వారా ఉమ్మడి ఎజెండాతో ముందుకెళ్తామన్నారు. ఆదాయం పెంచే మార్గాలపై బ్లెయిర్ సూచనలను అధ్యయనం చేస్తామని నారా లోకేశ్ పేర్కొన్నారు. ఎంతో విలువైన సూచనలు చేసిన టోనీ బ్లెయిర్ కు ధన్యవాదాలు తెలియజూస్తున్నట్లు వెల్లడించారు.