Mickey : మెలోడీ ‘మిక్కీ’.. ఊరమాస్ తో ఊపేశాడుగా!

Mickey

Mickey J Meyar : మిక్కీ జే మేయర్ పాటలంటే హాయిగా, వినసొంపుగా కమ్మగా అనిపిస్తాయి. అయితే అప్పుడప్పుడు ఆయన చేసే ట్యూన్ ట్రిక్స్ వారెవ్వా అనిపిస్తాయి. హ్యాపీ డేస్, కొత్త బంగారులోకం, లీడర్, లైఫ్ ఈజ్ బ్యూటిఫుల్ ..ఇలా మిక్కీ కెరీర్ మొదట్లో మెలోడీ సాంగ్స్ తో మైమరిపించాడు. దీంతో అతడికి మెలోడీ ముద్రను తెచ్చిపెట్టాయి. ఆ తర్వాత పలు సినిమాల్లో తన ఊరమాస్ ట్యూన్లతో యూత్ ను స్టెప్ లు వేయించాడు. గద్దలకొండ గణేష్ లో జర్రా జర్రా..పాట మాస్ ను ఎంత ఉర్రూతలూగించిందో మనకు తెలిసిందే.

మెలోడి మిక్కీతో మాస్ బాణీలు కట్టించిన ఘనత ‘గద్దలకొండ’ డైరెక్టర్ హరీశ్ శంకర్ దే. ఇక వీరి కాంబోలో మాస్ మారాజా రవితేజ తోడైతే ఎలా ఉంటుందో ఊహించలేం. ఇద్దరు పక్కా ఊరమాసే. ఇక వీరికి మిక్కీ జే మేయర్ ఎలాంటి ట్యూన్స్ ఇవ్వాలో అంతే ఇచ్చి పడేశాడు లేటెస్ట్ మూవీ ‘‘మిస్టర్ బచ్చన్’’ లో..

‘‘రెప్పల్ డప్పుల్.. ’’ అనే పక్కా మాస్ సింగిల్ తాజాగా రిలీజైంది. బీ,సీ సెంటర్ల ప్రేక్షకులను విపరీతంగా అలరించేలా ఈ సాంగ్ ఉంది. ఈ పాటతో మెలోడీ మిక్కీలోని మాస్ పల్స్ మరోసారి ప్రూవ్ అయ్యింది. డైరెక్టర్ తగ్గట్టుగా ట్యూన్స్ ఇవ్వడంలో మిక్కీది అందెవేసిన చెయ్యి. శేఖర్ కమ్ముల, శ్రీకాంత్ అడ్డాలకు సెన్సిబిలిటీకి తగ్గట్టుగా మెలోడీస్ ఇచ్చిన మిక్కీ.. పక్కా మాస్ డైరెక్టర్ హరీశ్ శంకర్ కు పచ్చి మాస్ సాంగ్ ఇచ్చాడు. మాస్ మారాజా అయిన రవితేజ ఈ సాంగ్ లో కుమ్మేస్తాడు అనడంలో డౌటే లేదు. మిస్టర్ బచ్చన్ మ్యూజికల్ ఆల్బమ్ తో మిక్కీ మళ్లీ తన స్టామినా ఏంటో చూపించుకున్నాడనే చెప్పాలి.