Akira Nandan
Akira Nandan : పవర్ స్టార్ పవన్ కల్యాణ్ కోట్లాది అభిమానులకు ఆయన ఆరాధ్య దైవం. హిట్టు ఫ్లాపులతో సంబంధం లేకుండా పవన్ కల్యాన్ ఫ్యాన్ బేస్ రోజురోజుకూ పెరిగిపోతున్నది. నాలుగేళ్లకో హిట్టు సినిమా ఇచ్చినా చాలు అనే అభిమానులు ఆయన సొంతం. చాలా రోజుల తర్వాత పవన్ కల్యాన్ వరుస సినిమాలు చేస్తున్నాడు. గతంలో ఒక సినిమా పూర్తయిన తర్వాత కనీసం ఏడాదైనా గ్యాప్ తీసుకునే వారు. ఇప్పుడు అటు రాజకీయాల్లో, ఇటు సినిమాల్లో ఒకేసారి తన ప్రయాణాన్ని సాగిస్తున్నాడు.
అకీరా ఎంట్రీ?
ఇప్పుడు రాజకీయాల మీద ఫోకస్ చేసిన వపర్ స్టార్ ఎన్నికలకు సిద్ధమవుతున్నాడు. ఇదే సమయంలో పవన్ కుమారుడు అకీరా నందన్ సినిమాల్లోకి ఎంట్రీ ఇవ్వబోతున్నట్లు తెలుస్తున్నది. అయితే ఈ జూనియర్ పవర్ సినిమా బాధ్యతలను మెగా పవర్ స్టార్ రామ్ చరణ్ తీసుకుంటున్నట్ల ఇండస్ర్టీ టాక్.
రామ్ చరణ్ ‘గేమ్ చేంజర్‘
ఆర్ఆర్ఆర్ తో పాన్ ఇండియా స్టార్ గా ఎదిగిన రామ్ చరణ్ శంకర్ డైరెక్షన్‌లో ‘గేమ్ చేంజర్’ మూవీ చేస్తున్నాడు. ఈ రేర్ కాంబినేషన్ అనౌన్స్ చేసినప్పటి నుంచి సినిమాపై అంచనాలు భారీగా నెలకొన్నాయి. అంచనాలకు అనుగుణంగానే ఎంతో ప్రతిష్టాత్మకంగా సినిమాను తెరకెక్కిస్తున్నారు. ఈ మూవీకి సంబంధించిన మేజర్ షూటింగ్ కంప్లీట్ అయింది. వచ్చే అక్టోబర్‌లో సినిమా విడుదల కానుంది. రామ్ చరణ్ ఇటీవల ‘ఉప్పెన’ దర్శకుడు బుచ్చిబాబు తో సినిమాకు కమిట్ అయ్యాడు. సినిమా షూటింగ్ కూడా ప్రారంభించారు. జాన్వీ కపూర్ హీరోయిన్‌.
ఆర్సీపై అకీరా నందన్ బాధ్యత
వరుస సినిమాలు చేస్తున్న మెగా పవర్ స్టార్ రామ్ చరణ్.. ఇప్పుడు తన తమ్ముడు అకీరా నందన్ సినిమా ఎంట్రీ బాధ్యత తీసుకున్నాడనే విషయం టాలీవుడ్ లో హాట్ టాపిక్ గా మారింది. తమ్ముడిని గ్రాండ్ గా ఎంటర్ చేసేందుకు చరణ్ ప్లాన్ చేస్తున్నట్లు టాక్. దీని కోసం అదిరిపోయే ప్లానింగ్‌ను సైతం అమలు చేస్తున్నట్లు వార్తలు వస్తున్నాయి.
అన్నయ్య సినిమాలో అకీరా
అకీరా నందన్ త్వరలోనే సినిమాల్లోకి ఎంట్రీ ఇవ్వబోతున్నట్లు టాక్ బయటకు వచ్చింది. అదీ మెగా పవర్ స్టార్ రామ్ చరణ్ హీరోగా నటిస్తున్న సినిమాతోనే అని తెలుస్తున్నది. బుచ్చిబాబుతో అతడు చేయబోయే సినిమాలో కీ రోల్ చేయడం ద్వారా అకీరా నందన్ సినీ కెరీర్‌ను ప్రారంభించబోతున్నాడనే న్యూస్ వైరల్ అవుతున్నది.
అత్యంత కీలక పాత్రలో
ఎంతో ప్రతిష్టాత్మకంగా రాబోతున్న ఈ సినిమాలో ఇప్పటికే ఎంతో మంది బడా స్టార్లు భాగమవుతున్నారు. రామ్ చరణ్ పక్కన ఓ పాత్ర కోసం అకీరా నందన్‌ను తీసుకున్నారని టాక్ . ఇప్పటికే బుచ్చిబాబు స్టోరీ నరేట్ చేసినట్లు తెలిసింది. త్వరలోనే అధికారిక ప్రకటన రానుంది.