Sankranthi Celebrations : సంక్రాంతి సంబరాల్లో మెగా కోడళ్ళు..ఇంస్టాగ్రామ్ లో లావణ్య – ఉపాసన లైవ్ చిట్ చాట్.

mega family Sankranthi Celebrations

Sankranthi Celebrations : మెగా ఫ్యామిలీ కుటుంబం లో ఎవరికీ ఎంత పనులు ఉన్నా, ఎంత బిజీ గా ఉన్నా పండగల సమయంలో మాత్రం అందరూ ఒక్క చోట చేరుతారు, సంబరాలు చేసుకుంటారు. వాళ్లందరినీ అలా ఒక్క చోట చూసి అభిమానులు మురిసిపోతూ ఉంటారు. అందరూ కలిసి మెలిసి ఉంటేనే ఆనందం అనడానికి మెగా ఫ్యామిలీ ని నిదర్శనంగా తీసుకోవచ్చు. ఇప్పుడు సంక్రాంతి పండుగని అందరూ కలిసి జరుపుకోవడానికి మెగా ఫ్యామిలీ మొత్తం కలిసి బెంగళూరు లోని ఫామ్ హౌస్ కి వెళ్లారు.

ఒక్క పవన్ కళ్యాణ్ మినహా, మెగా ఫ్యామిలీ కి సంబంధించిన వాళ్లంతా ఈ వేడుకల్లో పాల్గొన్నారు. ఈ సందర్భంగా ఉపాసన తన ఇంస్టాగ్రామ్ అకౌంట్ లో ఒక పోస్ట్ చేస్తూ ‘ కొత్త కోడలు ఇంట్లో వాళ్ళకోసం సున్నండలు చేస్తోంది..ఆమె చాలా స్వీట్’ అంటూ లావణ్య త్రిపాఠి ని ఉద్దేశిస్తూ కామెంట్ చేసింది. దీనికి లావణ్య త్రిపాఠి రిప్లై ఇస్తూ ‘థాంక్యూ సూపర్ స్వీట్ పెద్ద కోడలు’ అని అంటుంది.

వరుణ్ తేజ్ ని పెళ్లి చేసుకొని మెగా ఫ్యామిలీ లోకి అడుగుపెట్టిన తర్వాత లావణ్య త్రిపాఠి కి ఇది మొదటి సంక్రాంతి పండుగ. గత ఐదేళ్ల నుండి వరుణ్ తేజ్ తోనే డేటింగ్ లో ఒకే ఇంట్లో ఉంటుంది కానీ, పెళ్ళి తర్వాత ఇదే తొలి సంక్రాంతి. ఈ సంక్రాంతి వేడుకల్లో వరుణ్ తేజ్ , లావణ్య త్రిపాఠి ఎంతో స్పెషల్ అట్రాక్షన్ గా కనిపించారు. ఒకరి కోసం ఒకరు పుట్టినట్టుగా, మేడ్ ఫర్ ఈచ్ అథర్ లాగ అనిపిస్తున్న ఈ ఇద్దరు సౌత్ లోనే మోస్ట్ బ్యూటిఫుల్ కపుల్స్ లో ఒకరిగా చెప్పొచ్చు అని సోషల్ మీడియా లో అభిమానులు కామెంట్ చేస్తున్నారు. ఇకపోతే పెళ్లి తర్వాత లావణ్య త్రిపాఠి మళ్ళీ సినిమాల్లో కనిపించదేమో అని అందరూ అనుకున్నారు. కానీ ఇప్పుడు ఆమె ‘మిస్ పర్ఫెక్ట్’ అనే సినిమా చేసింది.

థియేటర్స్ లో కాకుండా నేరుగా ఓటీటీ లో విడుదల అవ్వబోతున్న ఈ సినిమా కి సంబంధించిన టీజర్ ఇటీవలే విడుదల అవ్వగా దానికి ఆడియన్స్ నుండి మంచి రెస్పాన్స్ వచ్చింది. ఈ సినిమాలో బిగ్ బాస్ టైటిల్ విన్నర్ అభిజిత్ హీరో గా నటించాడు. అతి త్వరలోనే ఈ సినిమా డిస్నీ + హాట్ స్టార్ లో స్ట్రీమింగ్ కానుంది. ఈ సినిమా తర్వాత కూడా ఆమె సినిమాలు చేస్తుందట కానీ, నటనకి ప్రాధాన్యం ఉన్న పాత్రలను మాత్రమే చేస్తుందట.