NTR : ఆ మూడింటిని మించేలా ఎన్టీఆర్ తో మాస్ మోడ్.. నీల్ ప్లానింగ్ కేక..

NTR

NTR : ఇండియన్ సినిమా తెరమీద వరుసగా మూడు హిట్లతో హ్యాట్రిక్ కొట్టిన ప్రశాంత్ నీల్.. ఒకేసారి మూడు సినిమాలను పట్టాలెక్కిస్తున్నాడు. మొన్నటి వరకు స్లో స్లోగా సాగిన ప్రశాంత్ సినిమాలు ఇప్పడు ఒక్కసారిగా ఎక్స్ ప్రెస్ లా దూసుకుపోతున్నాయి.

తెలుగు మూలాలున్న కన్నడ దర్శకుడు ప్రశాంత్ నీల్ కేజీఎఫ్, కేజీఎఫ్-2, సలార్  సినిమాలతో వరుసగా మూడు హిట్లు కొట్టాడు. ఈ మూడు కూడా మదర్ సెంటిమెంట్ తో పాటు మాస్ యాంగిల్స్ లో ఒక్కో హీరోకు ఒక్కో స్టైల్ లో ఎలివేషన్ ఇచ్చి అభిమానులకు ట్రీట్ ఇచ్చాడు. రాక్ స్టార్ యష్, రెబల్ స్టార్ ప్రభాస్ ను మాస్ ఎలివేషన్స్ లో సరికొత్తగా చూపించాడు. ఇక సలార్ లో ప్రభాస్ కు పెద్ద పెద్ద డైలాగులు లేకుండానే చిన్న చిన్న డైలాగులతో రోమాల్ నిక్కబొడిచేలా చేశాడు ప్రశాంత్ నీల్.  ఈ మూడు సినిమాల పిక్చరైజేషన్ ఎక్కువగా డార్క్ మోడ్ లోనే ఉంటుంది.

ఇక ఎప్పటి నుంచో ఎన్టీఆర్ అభిమానులను ఊరిస్తున్న ప్రశాంత్ నీల్ ఎట్టకేలకు సినిమాకు కొబ్బరికాయ కొట్టేశాడు. ఇక అప్పటి నుంచి సినిమా ఎలా ఉండబోతున్నది, ఎలా తీయబోతున్నారు.. ఎన్టీఆర్ ను కొత్తగా ఎలా ఆవిష్కరించ బోతున్నారనే దానిపై అభిమానులు చర్చించుకుంటున్నారు. ఆ చర్చలు, ప్రశ్నలకు తెరదించాడు డైరెక్టర్ ప్రశాంత్ నీల్. ఎన్టీఆర్31 పేరిట ఓ పోస్టర్ ను కూడా రిలీజ్ చేశాడు. బ్లాక్ బ్యాక్ గ్రౌండ్ లో హీరో ఫేస్ ను రివీల్ చేశాడు. ప్రశాంత్ నీల్ గత చిత్రాలు ఇలా డార్క్ మోడ్ లోనే పోస్టర్లు, టీజర్లు రిలీజ్ చేసి ఆకట్టుకున్నారు.  ఎన్టీఆర్ లుక్ రివీల్ చేసి సినిమా ఎలా  ఉండబోతున్నదో హింట్ ఇచ్చేశాడు ప్రశాంత్ నీల్.