Ravi Teja : యంగ్ టైగర్ ప్లేస్ ను కబ్జా చేసిన మాస్ మహరాజ్..

Ravi Teja

Ravi Teja : టాలీవుడ్ లో హీరోలల్లో మాస్ మహరాజ్ రవితేజకు ఉన్న ఇమేజ్ వేరు. భారీ సక్సెస్ లు రాకపోయినా ప్రాజెక్టులు మాత్రం వెతుక్కుంటూ వస్తూనే ఉంటాయి. ప్రస్తుతం ఇండస్ట్రీలో ప్రతీ ఐదింటిలో లేదంటే పదింటిలో ఒక మాస్ మూవీ ఉండాల్సిందే. దానికి పర్ఫెక్ట్ హీరో ఎవరంటే మన రవితేజానే. తన లాస్ట్ మూవీ ‘ఈగల్’ ఆశించిన స్థాయిలో ఆడలేదు.

రవితేజ తన తర్వాతి (74వ చిత్రం) గోపీచంద్ మలినేనితో అని ప్రకటించాడు. కానీ, ఇది అనివార్య కారణాలతో అది ఆగిపోయింది. దీంతో ఇప్పుడు ఆ డేట్స్ ను స్టైలిష్ డైరెక్టర్ హరీశ్ శంకర్‌కు ఇవ్వాలని అనుకున్నాడు. ‘మిస్టర్ బచ్చన్’ టైటిల్‌తో తెరకెక్కుతున్న ఈ చిత్రం హిందీలో ‘రైడ్’కు రీమేక్‌గా వస్తున్నట్లు తెలిసింది.

సక్సెస్‌ఫుల్ కాంబోలో రాబోతున్న ‘మిస్టర్ బచ్చన్’ రెగ్యూలర్ షూటింగ్ ఇప్పటికే ప్రారంభమైంది. కొన్ని షెడ్యూళ్లను కూడా కంప్లీట్ చేశాడు. ఈ క్రమంలోనే మరో క్రేజీ షెడ్యూల్‌ను కూడా పూర్తి చేశాడు. ఇలా ఇప్పటి వరకు ఈ సినిమాకు సంబంధించి 70 శాతం షూటింగ్ కంప్లీట్ చేశారు.

మాస్ మహరాజ్ హీరోగా వస్తున్న ‘మిస్టర్ బచ్చన్’ ఎప్పుడు రిలీజ్ చేస్తారన్న దానిపై క్లారిటీ రాలేదు. కానీ, దీనిపై ఎన్నో రకాల వార్తలు వైరల్ అవుతూనే ఉన్నాయి. ఇలాంటి పరిస్థితుల్లో ఈ ఏడాది అక్టోబరులో విడుదల చేస్తారని ఓ న్యూస్ బయటకు వచ్చింది. దీంతో ఇప్పుడిది మూవీ సర్కిల్ లో హాట్ టాపిక్ గా మారింది. ఈగల్ ఆదుకోలేదని, ఈ మూవీతో బటయపడడమే కాదు.. భారీ సక్సెస్ అందుకుంటామని చూస్తున్నాడు.

అయితే, ఈ మూవీని యంగ్ టైగర్ ఎన్టీఆర్ తో చేయాలని అనుకున్నాడరట హరీశ్ శంకర్. కానీ ఆయన దేవర షూటింగ్ బిజీగా సాగుతుండడం. అది సీక్వెల్ గా వస్తుండడంతో దానిపైనే ఫోకస్ చేశారట తారక్. దీంతో ఆ మూవీ రవితేజకు మళ్లింది. కొంత మాస్ కథ కావడంతో కూడా రవితేజకు ప్లస్ అయ్యింది.