Pan India movie : పాన్ ఇండియా సినిమాగా రానున్న మార్టిన్.. కానీ ట్రైలర్ విషయంలో భిన్నాభిప్రాయాలు..

Pan India movie

Pan India movie : ధృవ సర్జా హీరోగా కన్నడ ఇండస్ట్రీ నుంచి పాన్ ఇండియా మూవీగా తెరకెక్కుతున్న ‘మార్టిన్’ అక్టోబర్ 11న పలు  పలు భాషల్లో పాన్ ఇండియా వ్యాప్తంగా విడుదల కానుంది. ఏపీ అర్జున్ దర్శకత్వంలో ఉదయ్ కే మెహతా నిర్మిస్తున్న ఈ సినిమా హై ఎనర్జీ యాక్షన్ మూవీగా రూపొందుతోంది.

ఈ సినిమాలో ధృవ అర్జున్ అనే సైనికుడిగా కనిపిస్తాడు. ఈ చిత్రంలో బైక్ లు, స్నో మొబైల్స్, కార్లు, ట్యాంకర్లతో కూడిన తీవ్రమైన యాక్షన్ సన్నివేశాలు పెట్టారు దర్శకుడు. తన దేశాన్ని కాపాడుకునేందుకు దాయాది దేశమైన పాకిస్థానీయులను చంపేందుకు హీరో ఎంత వరకైనా వెళ్తాడని హీరోని చూపించాడు దర్శకుడు. ఆయన సరసన వైభవి శాండిల్య నటించగా, అడల్ట్ వీడియోలకు ఫేమస్ అయిన అన్వేషి జైన్ కన్నడ చిత్రరంగ ప్రవేశించింది.

అయితే, మార్టిన్ ట్రైలర్ కు ముఖ్యంగా హిందీ యూ ట్యూబర్ల నుంచి నెగిటివ్ ఫీడ్ బ్యాక్ వచ్చింది. ఓవర్ ది టాప్ స్టంట్స్, పేలవమైన వీఎఫ్ఎక్స్, లౌడ్ బీజీఎం, కాకోఫోనిక్ డైలాగులు, బ్యాడ్ యాక్టింగ్ తో ట్రైలర్ పై విమర్శలు వెల్లువెత్తుతున్నాయి. ఒకవైపు శెట్టి త్రయం, ప్రశాంత్-యష్, హేమంత్ రావు వంటి వారు హద్దులు దాటుతుంటే, మరోవైపు కబ్జా, మార్టిన్ వంటి చెత్తాచెదారం ఉందని ఓ విమర్శకుడు వ్యాఖ్యానించారు. మరొకరు ‘ట్రైలర్ భరించలేకుండా ఉంది. ఇది ఈ సినిమాకు ప్రేక్షకులను తీసుకురావడంలో విఫలం అవుతుంది’. అని అన్నారు.

ఇది అఫీషియల్ ట్రైలర్ గా కాకుండా ఫ్యాన్ మేడ్ ట్రైలర్ గా కనిపిస్తోందని ఓ వ్యక్తి సరదాగా రాసుకున్నారు. ట్రోల్స్ కు ఈ సినిమా నచ్చుతుందని మరొకరు కామెంట్ చేశారు. నికితిన్ ధీర్ మెయిన్ విలన్ గా నటిస్తుండగా రవి బస్రూర్ బ్యాక్ గ్రౌండ్ స్కోర్, మణిశర్మ సంగీతం, సత్య హెగ్డే సినిమాటోగ్రఫీ అందిస్తున్నారు.