Mani Rathnam-Kamal : ఆ హీరో వదిలేయడం మంచిదే అయ్యింది..

Mani Rathnam-Kamal Haasan

Mani Rathnam-Kamal New Movie : విక్రమ్ తర్వాత కమల్ హాసన్ వరుస సినిమాలు చేస్తున్నారు. భారతీయుడు-2 త్వరలోనే రిలీజ్ కాబోతోంది. అలాగే ఆయన పలు సినిమాలకు కమిట్ అయ్యారు. అందులో ఒకటి థగ్ లైఫ్. అగ్ర దర్శకుడు మణిరత్నం డైరెక్షన్ లో వస్తున్న ఈ సినిమాపై పాన్ ఇండియన్ లెవల్ లో భారీ అంచనాలు ఉన్నాయి. మూడు దశాబ్దాల తర్వాత వీరి కాంబోలో వస్తున్న మూవీ కావడంతో అభిమానులు ఎగిరి గంతేశారు.  వీరిద్దరి కాంబోలో ‘నాయకుడు’ సినిమా వచ్చిన విషయం తెలిసిందే. చాలా కాలం తర్వాత సినిమా వస్తుండడంతో అభిమానుల్లో తీవ్ర ఆసక్తి నెలకొంది. ఈ సినిమాను భారీ తారాగణంతో రూపొందిస్తున్నారు. ఈ సినిమాలో కమల్ ను కొత్తగా చూపించబోతున్నారనడంతో అంచనాలు హై రేంజ్ కు వెళ్లిపోయాయి.

అయితే ఈ సినిమా నుంచి మలయాళ స్టార్ హీరో దుల్కర్ సల్మాన్ తప్పుకోవడం, మరో వైపు కీలక పాత్ర కోసం ఎంపికైన జయం రవి కూడా తప్పుకోవడంతో సినిమా విషయంలో అభిమానుల్లో పలు అనుమానాలు తలెత్తయ్యాయి. అయితే దుల్కర్ సల్మాన్ స్థానంలో తమిళ స్టార్ హీరో శింబు నటించనున్నారనే వార్త తెలిసి అభిమానులు ఫుల్ ఖుషీగా ఉన్నారు. ముఖ్యంగా తమిళ అభిమానులు సంతోషంగా ఉన్నారు. దుల్కర్ తప్పుకుని శింబు రావడంతో సినిమాకు మరింత మైలేజ్ వస్తుందని, శుభపరిణామం అని మాట్లాడుకుంటున్నారు.

తమిళ నాట శింబుకు మంచి ఫాలోయింగ్ ఉన్న విషయం తెలిసిందే. ఎలాంటి పాత్రనైనా శింబు అలవోకగా చేస్తారు. దీంతో థగ్ లైఫ్ సినిమాకు మరింత క్రేజ్ వస్తుందని అంటున్నారు. అయితే మలయాళంలో దుల్కర్ సల్మాన్ వల్ల మంచి బిజినెస్ ఉండేది. మరి ఆయన తప్పుకోవడంతో కేరళ బిజినెస్ పడిపోయే అవకాశాలు కూడా కనిపిస్తున్నాయి.  అయితే శింబు తెలుగు వాళ్లకు తెలిసిన ముఖమే కావడంతో అక్కడి నష్టం తెలుగులో భర్తీ చేసుకోవచ్చు అని మేకర్స్ ఆలోచిస్తున్నారట. దశాబ్దాల తర్వాత ఇద్దరు లెజెండ్స్ మణిరత్నం, కమల్ కాంబో వస్తుండడంతో ఈ  సినిమాపై పాన్ ఇండియన్ లెవల్లో ఆసక్తి ఉంది.