#Mangalavaram on OTT:`ఆర్ఎక్స్ 100` వంటి సినిమాతో ద‌ర్శ‌కుడు అజ‌య్ భూప‌తి సెన్సేష‌న‌ల్ హిట్‌ని సొంతం చేసుకున్న విష‌యం తెలిసిందే. ద‌ర్శ‌కుడిగా తొలి ప్ర‌య‌త్నంలోనే మంచి పేరు తెచ్చిపెట్టింది. అయితే ఈ సినిమా త‌రువాత శ‌ర్వానంద్‌, సిద్ధార్థ్‌ల‌తో క‌లిసి మ‌ల్టీస్టార్ మూవీగా `మ‌హా స‌ముద్రం`ని తెర‌కెక్కించారు. అయితే ఈ సినిమా ద‌ర్శ‌కుడు అజ‌య్ భూప‌తికి ఆశించిన విజ‌యాన్ని అందించ‌లేక‌పోయింది. అదితిరావు హైద‌రి హీరోయిన్‌గా న‌టించిన ఈ మూవీ త‌రువాత అజ‌య్ భూప‌తి కొంత విరామం తీసుకుని మ‌రో సినిమా చేశారు.
అదే `మంగ‌ళ‌వారం`. `ఆర్ఎక్స్ 100`తో భారీ క్రేజ్‌ని సొంతం చేసుకున్న పాయ‌ల్ రాజ్‌పుత్ ఇందులో హీరోయిన్‌గా న‌టించింది. న‌వంబ‌ర్ 17న విడుద‌లైన ఈ సినిమా మంచి విజ‌యాన్ని సొంతం చేసుకుని పాయ‌ల్ రాజ్‌పుత్‌కి, ద‌ర్శ‌కుడు అజ‌య్ భూప‌తికి మంచి గుర్తింపుని తెచ్చి పెట్టింది. సైక‌లాజిక‌ల్ థ్రిల్ల‌ర్‌గా రూపొందిన ఈ సినిమాని స్వాతి, సురేష్ వ‌ర్మ సంయుక్తంగా నిర్మించారు. నందితా శ్వేత, అజ‌య్ ఘోష్‌, అజ్మ‌ల్‌, దివ్య పిళ్లై ముఖ్య పాత్ర‌లు పోషించారు.
తెలుగుతో పాటు త‌మిళ, క‌న్న‌డ, మ‌ల‌యాళ, హిందీ భాష‌ల్లో విడుద‌లై అన్ని భాష‌ల్లోనూ అనూహ్య విజ‌యాన్ని సొంతం చేసుకుంది. సరైన అవ‌కాశాల కోసం, మంచి బ్రేక్ కోసం ఎదురు చూస్తున్న హీరోయిన్ పాయ‌ల్ రాజ్‌పుత్‌కు మ‌రింత గుర్తింపుని తెచ్చి పెట్టింది. టీజ‌ర్‌, ట్రైల‌ర్ నుంచే ఆస‌క్తిని పెంచిన ఈ సినిమా ఎప్పుడెప్పుడు ఓటీటీలోకి వ‌చ్చేస్తుందా? అని అంతా ఆస‌క్తిగా ఎదురు చూస్తున్న వేళ గుడ్ న్యూస్ వ‌చ్చేసింది. ఈ మూవీ డిస్నీ ప్ల‌స్ హాట్ స్టార్‌లో ఈ సినిమా స్ట్రీమింగ్ కాబోతోంది. డిసెంబ‌ర్ 26 నుంచి స్ట్రీమింగ్ కాబోతోంది. ఈ విష‌యాన్ని మేక‌ర్స్‌తో పాటు డిస్నీ ప్ల‌స్ హాట్ స్టార్ శ‌నివారం వెల్ల‌డించింది.