Kannappa : మంచు విష్ణు ‘కన్నప్ప’ సినిమాకి డేట్స్ కేటాయించిన ప్రభాస్!

Kannappa in Prabahas and Manchu Vishnu

Kannappa : ఇండస్ట్రీ కి వచ్చి రెండు దశాబ్దాలు కావొస్తున్నా కూడా ఇప్పటికీ స్థిరమైన మార్కెట్ ని ఏర్పాటు చేసుకోలేకపోయిన హీరో ఎవరైనా ఉన్నారా అంటే అది మోహన్ బాబు పెద్ద కొడుకు మంచు విష్ణు మాత్రమే. కెరీర్ లో ఇతనికి రెండు మూడు హిట్స్ అయితే ఉన్నాయి కానీ, అవి ఇతనికి స్టార్ స్టేటస్ ని తెచ్చిపెట్టలేకపోయాయి. సినిమాల పరంగా ఎలా ఉన్నా, సోషల్ మీడియా లో మాత్రం మా ఎన్నికల సమయం లో అతి ప్రసంగాలు చేసి బాగా ట్రోల్ అయ్యాడు.

ఇప్పటికీ ఇతనికి సంబందించిన వీడియోలను మీమ్స్ కోసం వాడుతూ ఉంటారు. ఇక ఆయన లేటెస్ట్ చిత్రం ‘జిన్నా’ ఎంత పెద్ద ఫ్లాప్ అయ్యిందో మన అందరికీ తెలిసిందే. కానీ మంచు విష్ణు లో ఏమాత్రం కూడా ఆత్మవిశ్వాసం సన్నగిల్లలేదు. ఆయన హీరో గా తన డ్రీం ప్రాజెక్ట్ ‘కన్నప్ప’ ని  భారీ బడ్జెట్ తో సొంత నిర్మాణం లో గ్రాండ్ గా ఇటీవలే షూటింగ్ ని ప్రారంభించాడు.

ఈ చిత్రాన్ని మంచు విష్ణు ఎంతో ప్రతిష్టాత్మకంగా తీసుకున్నాడు. ఎలా అయినా హిట్ కొట్టాలనే కసితో ఉన్నాడు. అందుకే సౌత్ లోని బిగెస్ట్ సూపర్ స్టార్స్ అందరిని ఈ సినిమాలోకి తీసుకున్నాడు. ప్రభాస్ కి మొదటి నుండి మంచు కుటుంబం తో సాన్నిహిత్యం ఉండడంతో అతన్ని ఈ సినిమాలో శివుడి పాత్ర చెయ్యమని మోహన్ బాబు, మంచు విష్ణు రిక్వెస్ట్ చెయ్యగానే క్షణం కూడా ఆలోచించకుండా ఊపుకున్నాడు.

మొదటి షెడ్యూల్ లో న్యూజిల్యాండ్ లోని కొన్ని ప్రాంతాలలో కీలకమైన సన్నివేశాలను షూట్ చేసారు. ఇప్పుడు విజువల్ ఎఫెక్ట్స్ కి సంబంధించిన షాట్స్ ని చిత్రీకరించేందుకు సిద్ధం అవుతున్నారు. ఈ నేపథ్యం లో కైలాసం సెట్స్ ని వేస్తున్నారట. శివ పార్వతులుగా నటిస్తున్న ప్రభాస్, నయనతార పై ముఖ్యమైన సన్నివేశాలను ఈ షెడ్యూల్ లో తెరకెక్కించబోతున్నారట. ప్రభాస్ అందుకోసం మూడు రోజుల కాల్ షీట్స్ ని కేటాయించాడు.

గత కొంతకాలం నుండి షూటింగ్స్ కి దూరంగా ఉంటూ వచ్చిన ప్రభాస్, ఇప్పుడు చెయ్యబోయే సినిమాలలో ముందుగా కన్నప్ప షూటింగ్ ని పూర్తి చెయ్యడానికి ఆసక్తి చూపిస్తున్నాడట. దీనికి సంబంధించిన అధికారిక ప్రకటన త్వరలోనే రాబోతుంది. ఈ సినిమాలో ప్రభాస్ తో పాటుగా మోహన్ లాల్, శివ రాజ్ కుమార్ వంటి సూపర్ స్టార్స్ కూడా ముఖ్య పాత్రలు పోషిస్తున్నారు. ఈ ఏడాదిలోనే ఈ సినిమా ప్రేక్షకుల ముందుకు వచ్చే అవకాశం ఉంది.