Nayanthara : నయనతారతో సినిమా చేసి తప్పు చేశా : శేఖర్ కమ్ముల

Nayanthara

Nayanthara : టాలీవుడ్ ఇండస్ట్రీలో దర్శకుడిగా శేఖర్ కమ్ములకి ఎంత మంచి పేరు ఉందో ప్రత్యేకంగా చెప్పాల్సిన పనిలేదు. శేఖర్ కమ్ముల దర్శకత్వంలో వచ్చిన మెజారిటీ సినిమాలు సక్సెస్ అయ్యాయి. హ్యాపీడేస్, ఫిదా, లవ్ స్టోరీ చిత్రాలతో వరుస హిట్లు అందుకున్నాడు ఈ దర్శకుడు. నయనతారతో అనామిక చిత్రానికి శేఖర్ కమ్ముల దర్శకత్వం వహించిన సంగతి తెలిసిందే. ఈ సినిమా బాక్సాఫీస్ వద్ద ఆశించిన స్థాయిలో వసూళ్లు రాబట్టలేకపోయింది. అయితే ఓ సందర్భంలో ఈ సినిమా గురించి శేఖర్ కమ్ముల మాట్లాడుతూ చేసిన వ్యాఖ్యలు వైరల్ అవుతున్నాయి.

రీమేక్ సినిమాగా వచ్చిన అనామిక సినిమాను తీయడం సరికాదని శేఖర్ కమ్ముల పేర్కొన్నారు. నిర్భయ ఉదంతం దేశవ్యాప్తంగా సంచలనం సృష్టించిన తర్వాత హీరోయిన్ ఓరియెంటెడ్ సినిమా తీయాలని అనుకున్నట్లు శేఖర్ కమ్ముల తెలిపారు. లైఫ్ ఈజ్ బ్యూటిఫుల్ సినిమా భారీ అంచనాలతో విడుదలై ఆ అంచనాలను అందుకోలేకపోయిందని పేర్కొన్నారు. కథ లేకపోవడంతో నయనతార లాంటి స్టార్ అయితే బాగుంటుందని ఆమెను తీసుకున్నాం. అయితే నయనతార లాంటి స్టార్‌తో ఆ సినిమా తీయకుండా ఉండాల్సింది. ప్రేమకథ రాయాలని అనిపిస్తేనే రాస్తానని చెప్పాడు. శేఖర్ కమ్ముల ప్రస్తుతం కుబేర సినిమాతో బిజీగా ఉన్నాడు. భారీ అంచనాలతో ఈ సినిమా విడుదలవుతోంది.

ధనుష్, నాగ్ కాంబినేషన్‌లో రష్మిక హీరోయిన్‌గా తెరకెక్కుతున్న ఈ సినిమా ఎప్పుడు విడుదలైనా సంచలన విజయం సాధిస్తుందని అభిమానులు అంచనా వేస్తున్నారు. విభిన్నమైన కథలను ఎంచుకోవడమే శేఖర్ కమ్ముల సక్సెస్ సీక్రెట్ అనే వ్యాఖ్యలు వ్యక్తమవుతున్నాయి. కుబేరుడు సినిమా డిఫరెంట్ కాన్సెప్ట్ తో తెరకెక్కుతుండగా, శేఖర్ కమ్ముల ధనుష్ కి మరో భారీ బ్లాక్ బస్టర్ హిట్ ఇస్తాడో లేదో చూడాలి.