Mahesh Babu : రాజమౌళి సినిమా కోసం మహేష్ లేటెస్ట్ లుక్స్ చూస్తే మెంటలెక్కిపోతారు!
Mahesh’s latest looks for Rajamouli movie
Mahesh Babu : ‘గుంటూరు కారం’ చిత్రం తర్వాత సూపర్ స్టార్ మహేష్ బాబు రాజమౌళి తో ఒక సినిమా చెయ్యబోతున్న సంగతి మన అందరికీ తెలిసిందే. ఇప్పటికే ఈ సినిమాకి సంబంధించిన స్క్రిప్ట్ వర్క్ మొత్తం పూర్తి అయ్యింది. త్వరలోనే ఈ సినిమాకి సంబంధించిన వర్క్ షాప్ మొదలు కానుంది. నటీనటుల ఎంపిక, సాంకేతిక నిపుణుల ఎంపిక కూడా దాదాపుగా ఖరారు అయ్యినట్టే అని అంటున్నారు.
అతి త్వరలోనే ఒక ప్రెస్ మీట్ ని ఏర్పాటు చేసి రాజమౌళి ఈ సినిమాకి సంబంధించిన పూర్తి వివరాలు స్టోరీ లైన్ తో సహా చెప్పబోతున్నాడట. ఇది ఇలా ఉండగా ఈ సినిమాకి సంబంధించి మహేష్ లుక్స్ కోసం రీసెంట్ గానే లుక్ టెస్ట్ కూడా చేసారు. రెండు మూడు లుక్స్ ని పరిశీలించిన తర్వాత ఒక లుక్ ని ఫైనల్ చేసినట్టు తెలుస్తుంది. అయితే ఈ లుక్ ఎట్టి పరిస్థితిలో కూడా లీక్ అవ్వకూడదు అని మహేష్ కి రాజమౌళి స్ట్రిక్ట్ గా చెప్పాడట.
కానీ రీసెంట్ గా మహేష్ జర్మనీ కి వెళ్లి తిరిగి వస్తున్నా సమయం లో ఆయన లుక్స్ లీకై బాగా వైరల్ అయ్యింది. గుబురు మీసం, గడ్డం తో ఇప్పటి వరకు మనం ఎన్నడూ చూడని మహేష్ ని రాజమౌళి ఈ సినిమా ద్వారా ప్రేక్షకులకు చూపించబోతున్నట్టుగా తెలుస్తుంది. అయితే అది ఫైనల్ లుక్ కాదని, షేప్ చేయించుకోవడం కోసం మహేష్ మీసం, గడ్డం ని బాగా పెంచుతున్నట్టు చెప్తున్నారు. ఇకపోతే ఈ సినిమా ఫారెస్ట్ అడ్వెంచర్ నేపథ్యం లో తెరకెక్కుతున్న సంగతి తెలిసిందే. సుమారుగా వెయ్యి కోట్ల రూపాయిల బడ్జెట్ ని ఈ సినిమా కోసం కేటాయించబోతున్నారట. కె ఎస్ రామారావు ఈ సినిమాకి ఒక నిర్మాతగా వ్యవహరిస్తుండగా, దిల్ రాజు కూడా రీసెంట్ ఈ సినిమా ప్రొడక్షన్ లో జాయిన్ అయ్యాడని తెలుస్తుంది.
అంతే కాకుండా ఈ సినిమాలో మహేష్ బాబు తో పాటుగా అక్కినేని నాగార్జున కూడా మరో హీరో గా నటిస్తాడని టాక్ నడుస్తుంది. దీని గురించి ఇంకా ఎలాంటి అధికారిక ప్రకటన రాలేదు. అలాగే ఈ సినిమాని మొత్తం మూడు భాగాలుగా తెరకెక్కిస్తారని, రెండవ భాగం లో ఎన్టీఆర్, రామ్ చరణ్ కూడా ఉంటారని టాక్ వినిపిస్తుంది. #RRR సినిమాతో హాలీవుడ్ మార్కెట్ కి రీచ్ అయినా రాజమౌళి ఈ సినిమాని ఇంగ్లీష్ లో కూడా విడుదల చేయబోతున్నాడట.