Mahesh-Rajamouli Movie : మహేశ్, రాజమౌళి సినిమాకు ముహూర్తం అప్పుడే?

Mahesh-Rajamouli Movie : టాలీవుడ్ నుంచి మరో వరల్డ్ వైడ్ మూవీ రాబోతోంది. బహుబలి, త్రిపుల్ ఆర్ తర్వాత ఇండియన్ సినిమా రేంజ్ పెరిగిందని చెప్పకతప్పదు. ఒకప్పుడు హాలీవుడ్ సినిమాలను డబ్బింగ్ లో మనం చూసేవాళ్లం. కానీ ఇప్పుడు మన భారతీయ సినిమాలను ప్రపంచమంతా తమ భాషల్లోకి అనువదించుకుని మరీ చూస్తున్నాయి. ఈ ఘనత కచ్చితంగా మన తెలుగు డైరెక్టర్ రాజమౌళికే దక్కుతుందని చెప్పవచ్చు. ఆయన త్రిపుల్ ఆర్ తర్వాత మహేశ్ బాబుతో సినిమా అనౌన్స్ చేశారనే విషయం తెలిసిందే.

మహేశ్ రీసెంట్ గా గుంటూరు కారం సినిమాతో థియేటర్లలోకి వచ్చినా ఆ సినిమాతో ఆయన ఫ్యాన్స్ సాటిఫై కాలేదు. రాజమౌళి సినిమా అప్ డేట్ కోసమే ఆసక్తిగా ఎదురుచూస్తున్నారు. ఈ సినిమాపైనే  ఆశలన్నీ పెట్టుకున్నారు. మూడు, నాలుగేండ్లు పెట్టినా సరే మహేశ్ రేంజ్ మాత్రం వరల్డ్ వైడ్ గా  మోతక్కిపోవాలని కోరుకుంటున్నారు.

ఈ సినిమాపై రాజమౌళి తండ్రి విజయేంద్రప్రసాద్ ఓ ఇంటర్వ్యూలో మాట్లాడుతూ ఆఫ్రికా అడవుల నేపథ్యంలో తెరకెక్కించనున్నారని చెప్పారు. మహేశ్ లుక్ చాలా డిఫరెంట్ గా ఉంటుందట. ఆ లుక్ రివీల్ కాకుండా ఉండే బయట ఫంక్షన్స్ కు, ఈవెంట్స్ హాజరు కాకూడదని కండీషన్ పెట్టారట జక్కన్న. ఇక ఈ సినిమా షూటింగ్ త్వరలోనే ప్రారంభం కానుంది. ప్రస్తుతం ప్రీ ప్రొడక్షన్ పనులు జరుగుతున్నాయి. అయితే ఈ సినిమా గురించిన ఓ క్రేజీ అప్ డేట్ ఫిల్మ్ నగర్ సర్కిల్స్ లో తెగ చక్కర్లు కొడుతున్నాయి.

ఈ సినిమా షూటింగ్ ను ఓ పండుగ రోజున ప్రారంభించనున్నారట. ఉగాది పండుగ రోజున ఈ సినిమాను అనౌన్స్ చేయనున్నారట. ఓ ఈవెంట్ ఏర్పాటు చేసి గ్రాండ్ గా సినిమాను అనౌన్స్ చేయనున్నారని టాక్ వినిపిస్తోంది. అలాగే ఈ సినిమా ఓపెనింగ్ వేడుకకు హాలీవుడ్ డైరెక్టర్ జేమ్స్ కామరూన్ వస్తారని ప్రచారం జరుగుతోంది. త్వరలోనే వీటిపై క్లారిటీ రానుంది. ఇక ఈ సినిమాకు కేఎల్ నారాయణ నిర్మాతగా వ్యవహరించనున్నారు. కీరవాణి సంగీతం అందిస్తున్నారు. మహేశ్ కు జోడిగా ఓ ఇండోనేషియా బ్యూటీని నటించనుందని తెలుస్తోంది.