Mahesh-Rajamouli
Mahesh-Rajamouli : జక్కన్న థాట్స్ ఓ రేంజ్ లో ఉంటాయి. మగధీర, బహుబలి, ఆర్ ఆర్ ఆర్ మూవీలతో ఆయన సత్తా ఏంటో భారత్ మాత్రమే కాదు ప్రపంచమంతా చూసింది. జపాన్ దేశంలో త్రిపుల్ ఆర్ మేనియా ఇంకా నడుస్తుందంటేనే అర్థం చేసుకోవచ్చు రాజమౌళి సినిమాలు ఎలా ఉంటాయో. ఆస్కార్ బరిలో నిలువడమే కాదు అవార్డును సొంతం చేసుకున్న తెలుగు సినిమాగా త్రిపుల్ ఆర్ ను మలిచిన ఆయనకు సలాం కొట్టాల్సిందే.
ఆయన సినిమాలు ఒకదానిని మించి మరొకటి ఉంటాయని మనకు తెలిసిందే. ఆయన కలలన్నీ ఓ రేంజ్ లో ఉంటాయి. తన సినిమాలో చిన్న సీన్, చిన్న పాత్ర కూడా వైవిధ్యభరితంగా ఉండేలా చూసుకుంటారు కాబట్టే ఆయన వందశాతం విజయాలతో దూసుకెళ్తున్నారు. ఇక ఆయన సినిమాలన్నీ విజువల్ వండర్సే. ఆయన హిట్ ఫార్ములా మొదటగా కథనే అని చెప్పుకోవాలి. ఆ తర్వాత క్రేజీ కాంబినేషన్లను సెట్ చేయడం. తాజాగా మహేశ్ బాబు చిత్రం కోసం ఆయన ఇప్పటికే బ్యాక్ గ్రౌండ్ వర్క్ అంతా పూర్తి చేస్తున్నారు. ఈ మూవీని భారీ బడ్జెట్ తో వరల్డ్ మార్కెట్ ను దృష్టిలో పెట్టుకుని చేస్తున్నారు. ఇందులో పలువురు హాలీవుడ్ యాక్టర్స్ ను కూడా నటింపజేస్తున్నారు. ఇదిలా ఉండగా ఈ మూవీ గురించి సోషల్ మీడియాలో ఓ ప్రచారం సాగుతోంది. అయితే ఇందులో మహేశ్ తో ఓ క్రేజీ కాంబినేషన్ ను సెట్ చేయాలని చూస్తున్నారని టాక్.
ఈ సినిమాలో మహేశ్ కు ప్రతినాయకుడి పాత్ర కోసం పలువురు స్టార్ హీరోలను పరిశీలిస్తున్నారట. అందులో ముఖ్యంగా బాలీవుడ్ స్టార్ హృతిక్ రోషన్ పేరు వినపడుతోంది. రాజమౌళి కనుక ఈ ప్రాజెక్టు గురించి చెప్తే హృతిక్ కచ్చితంగా ఒప్పుకుంటారని అంటున్నారు. అలాగే చియాన్ విక్రమ్ పేరు కూడా బాగానే వినిపిస్తోంది. జక్కన్న, మహేశ్ సినిమాలో హృతిక్ గాని, విక్రమ్ గాని నటిస్తే మూవీకి నెక్ట్స్ లెవల్ రీచ్ ఉంటుందని ప్రత్యేకంగా చెప్పనక్కర్లేదు. రాజమౌళి సెలక్షన్ అంటే 100 పర్సెంట్ యాప్ట్ అవుతుందనడంలో డౌట్ లేదు.
అయితే రాజమౌళి ఆఫర్ ను హృతిక్ ఒప్పుకుంటాడా అనేది చూడాలి. ఈ సినిమా రెగ్యులర్ షూట్ ను సమ్మర్ తర్వాత స్టార్ట్ చేసే అవకాశాలు కనపడుతున్నాయి. స్క్రిప్ట్ కూడా తయారైంది. త్వరలోనే వర్క్ షాప్ కూడా స్టార్ట్ చేయనున్నారు. ఈ సినిమాను 2026లో థియేటర్స్ లోకి రాజమౌళి ప్లాన్ చేస్తున్నారు.