Bigg Boss Telugu 7 Finale:బిగ్‌బాస్ గ్రాండ్ ఫినాలే..గెస్ట్‌గా స్టార్ హీరో!
Bigg Boss Telugu 7 Finale:బిగ్‌బాస్ సీజ‌న్ 7 గ్రాండ్ ఫినాలేకి మ‌రో నాలుగు రోజులు మాత్రమే ఉన్నాయి. ఆదివారం నాడు చాలా గ్రాండ్‌గా ఈ ఈవెంట్‌ని నిర్వ‌హించ‌బోతున్నారు. ఇప్ప‌టికే భారీ స్థాయిలో గ్రాండ్ ఫినాలే ఈ వెంట్‌కు ఏర్పాట్లు చేస్తున్నారు. సీజ‌న్ 7 ఉల్టా పుల్టా అంటూ ప్రారంభించిన ఈ సీజ‌న్ పేరుకు త‌గ్గ‌ట్టే ఉల్టాపుల్టాగా సాగుతూ వీవ‌ర్స్‌ని విశేషంగా ఆక‌ట్టుకుంటోంది. ప్ర‌స్తుతం హౌస్‌లో ఆరుగురు కంటెస్టెంట్‌లు ఉన్నారు. ఇందులో ఒక‌రు మిడ్ వీక్ ఎలిమినేష‌న్ కార‌ణంగా హౌస్ నుంచి బ‌య‌టికి రాబోతున్నాడు.
దీంతో హౌస్‌లో టాప్ 5 కంటెస్టెంట్స్ మాత్రమే వీకెండ్ వ‌ర‌కు ఉండ‌నున్నారు. మ‌రి ఇందులో విన్న‌ర్ ఎవ‌రు? ..హౌస్‌లో పెద్ద‌న్న‌గా, పెద రాయుడిగా పేరు తెచ్చుకున్న శివాజీ విన్న‌ర్ అవుతాడా? ఏక సాధార‌ణ వ్య‌క్తిగా, ఓ రైతు బిడ్డ‌గా హౌస్‌లోకి అడుగుపెట్టిన ప‌ల్ల‌వి ప్ర‌శాంత్, లేదా యావ‌ర్‌, అమ‌ర్ దీప్ విన్న‌ర్ అవుతారా? అనే చ‌ర్చ జ‌రుగుతోంది. ఈ స‌మ‌యంలో గ్రాండ్ ఫినాలేకి రాబోయే గెస్ట్ ఎవ‌ర‌నేది ఆస‌క్తిని రేకెత్తిస్తోంది. ఈ నేప‌థ్యంలోనే ఈ షోలో పాల్గొనే ఛీఫ్ గెస్ట్ స్టార్ హీరో అంటూ ప్ర‌చారం మొద‌లైంది.
ఇప్ప‌టి వ‌ర‌కు ఆరు సీజ‌న్‌లు పూర్త‌య్యాయి. ఈ ఆరు సీజ‌న్‌ల‌లో 5 సీజ‌న్‌ల‌కు గెస్ట్‌లు వ‌చ్చారు. ఎక్కువ‌గా చిరంజీవి ఫినాలే ఈవెంట్‌ల‌కు ముఖ్యథిగా హాజ‌రై అల‌రించారు. ఇక సీజ‌న్ 6కు ఏ గెస్ట్ రాక‌పోవ‌డంతో హోస్ట్ నాగార్జున‌నే గెస్ట్‌గా వ్య‌వ‌హ‌రించి విన్న‌ర్‌కు షీల్డ్ అందించారు. కానీ సీజ‌న్ 7 మాత్రం అందుకు భిన్నంగా ఉండ‌బోతోంది. ఈ సీజ‌న్ ఫినాలేకు స్టార్ హీరో సూప‌ర్ స్టార్ మ‌హేష్ బాబు ఛీఫ్ గెస్ట్‌గా హాజ‌రు కానున్నార‌ని తెలుస్తోంది. ఇదే నిజ‌మైతే మ‌హేష్ ఫ్యాన్స్‌కు పండ‌గే.