Mahesh Babu – Rajamouli : మహేష్ బాబు, రాజమౌళి సినిమా అప్డేట్ వచ్చిందోచ్

Mahesh Babu – Rajamouli

Mahesh Babu – Rajamouli : ఎస్ ఎస్ రాజమౌళి, సూపర్ స్టార్ మహేష్ బాబు సినిమా ఎప్పుడెప్పుడు  మొదలవుతుందా అని అభిమానులతో పాటు ప్రేక్షకులంతా చాలా ఆత్రుతగా  ఎదురుచూస్తున్నారు. ఇప్పటికే ఈ సినిమా బ్యాక్ ఎండ్ వర్క్  నడుస్తున్నది. ఇప్పటికే రాజమౌళి ప్రీ ప్రొడక్షన్ వర్క్ లో బిజీ అయ్యారు. మహేష్ బాబు కూడా ఈ సినిమాకి సంబంధించిన మేకోవర్ పై దృష్టి పెట్టాడు. రాజమౌళి సినిమాల్లో హీరోలు దృడంగా కనిపించాల్సి ఉంటుంది. దీంతో ఈ లుక్ కోసం మహేష్ బాబు వర్కౌట్స్ మొదలు పెట్టాడు.  కావాల్సిన ఫిజిక్ కోసం జిమ్ లో చెమటోడుస్తున్నాడు. ఇటీవల  మహేష్ బాబు లాంగ్ హెయిర్, మంచి మజిల్స్ తో  కనిపించిన అభిమానులను ఒక్కసారిగా షాక్ కు గురి చేశాడు. దీంతో రాజమౌళి సినిమా కోసం మహేష్ బాబు ఎంతగా కష్టపడుతున్నాడో అర్థం చేసుకోవచ్చు.

రెండు నెలల క్రితం సినిమా నిర్మాతల్లో ఒకరైన కేఎల్ నారాయణ.. రాజమౌళి, మహేష్ సినిమా షూటింగ్ ఆగస్టు లేదా సెప్టెంబర్ నుంచి ఉంటుందని చెప్పారు. దీని కోసం  రాజమౌళి సైలెంట్ గా వర్క్ షాప్స్ మొదలు పెట్టారు. ఇందులో మహేష్ బాబు కూడా పాల్గొంటున్నారని ఇండస్ర్టీ టాక్.  

ఇప్పటికే ఈ సినిమా స్క్రిప్ట్ వర్క్ పూర్తయిందని రచయిత విజయేంద్రప్రసాద్ వెల్లడించారు. రాజమౌళి తన సినిమా షూట్ కి అన్ని సిద్ధం చేసుకొని స్క్రిప్ట్ పై వర్క్ షాప్ కంప్లీట్ చేసుకొని పకడ్బందీగా షూట్ కు వెళ్లనున్నారని సమాచారం. సెప్టెంబర్ లో షూటింగ్ మొదలు పెట్టాలని రాజమౌళి ఫిక్సయ్యారట. మహేష్ ని రాజమౌళి తనకు తగ్గట్టు మార్చుకుంటున్నారని సమాచారం. ఇక ఈ సినిమాపై ఏ రేంజ్ లో భారీ అంచనాలు ఉన్నాయో తెలిసిందే.

ప్రస్తుతం ప్రీప్రొడక్షన్ పనుల్లో మరింత వేగం పెంచారు. ప్రస్తుతం హైదరాబాద్ లో సినిమాకు సంబంధించిన సెట్ వర్క్‌ ప్రారంభించారని  సమాచారం. ఎలాగైనా ప్రీ ప్రోడక్షన్ వర్క్ కంప్లీట్ చేసి  సెప్టెంబర్‌లో షూటింగ్ కు వెళ్లాలని రాజమౌళి భావిస్తున్నారట. మరోవైపు నటీనటుల ఎంపికపైనా దృష్టిపెట్టినట్లు వార్తలు వస్తున్నాయి. మలయాళ స్టార్  హీరో పృథ్వీరాజ్ సుకుమారన్ విలన్‌గా నటించబోతున్నారని రెండు మూడు రోజులుగా టాక్ వినిపిస్తున్నది.