Mahesh Babu and Rajamouli
Mahesh Babu : తెలుగు సినీ ఇండస్ట్రీలో హీరో మహేశ్ బాబు, దర్శకుడు రాజమౌళి క్రేజ్ ఏమిటో ప్రేక్షకులకు తెలియనిది కాదు. తాజాగా వీరిద్దరి కాంబినేషన్లో ఓ సినిమా తెరకెక్కనున్నట్టు సమాచారం. అయితే ఈ సినిమా గురించి ఇటీవల మహేశ్ బాబు జన్మదినం సందర్భంగా ఏదైనా అప్ డేట్ వస్తదనుకున్న ఆయన ఫ్యాన్స్ కొంత నిరాశకు గురయ్యారు. ఎందుకంటే వీరి నుంచి ఎలాంటి వార్త రాకపోవడమే ఇందుకు కారణం. అయితే తాజాగా ఈ చిత్ర టీమ్ ’SSMB-29‘ ప్రీ ప్రొడక్షన్ పనుల పైనే ఉన్నట్టు తెలిసింది. ఈ క్రమంలో ఓ వార్త సోషల్ మీడియాలో హల్ చల్ చేస్తున్నది.
విజువల్ డెవలప్ మెంట్ ఆర్టిస్ట్ టీపీ విజయన్ తన ఇన్ స్టాలో చేసిన పోస్టు ఇందుకు బలం చేకూర్చుతున్నది. ఆయన తన ఇన్ స్టాలో గోల్డ్ కలర్ లో ఉన్న గద్ద రెక్కలను చూపుతూ SSMB-29 అని పేర్కొన్నారు. దీంతో మహేశ్ బాబు, రాజమౌళి దర్శకత్వంలో రానున్న సినిమాకు గరుడ పేరు పెట్టాలనుకుంటున్నట్టు ఓ వార్త సోషల్ మీడియాలో చక్కర్లు కొడుతుంది.
గతంలోనే ’గరుడ‘ పేరు ప్రకటన..
ప్రస్తుతం సోషల్ మీడియాలో హల్ చల్ చేస్తున్న గరుడు సినిమా టైటిల్ కొత్తదేమీ కాదని తెలుస్తున్నది. బాహుబలి సినిమా తరువాత తన సినిమా ఈ పేరుతోనే వస్తుందని రాజమౌళి గతంలోనే ప్రకటించిన విషయం తెలిసిందే. అందుకు సంబంధించిన పూర్తి వివరాలను మాత్రం వెల్లడించలేదు. అయితే అప్పుడు రాజమౌళి మనసులో ఉన్న గరుడ ఇదేనా? అన్న దానిపై స్పష్టత రావాల్సి ఉంది. వీరిద్దరి కాంబినేషనల్ రావాల్సిన సినిమా కోసం మహేష్ బాబు పెద్ద జుట్టుతో కనిపించాల్సి ఉండగా, ఆయన ప్రస్తుతం జుట్టు పెంచే పనిలోనే ఉన్నట్టు తెలుస్తున్నది. ఇటీవల కనిపించిన పలు సందర్భాల్లో కూడా మహేశ్ బాబు పొడవాటి జుట్టుతో కనిపించడం తెలిసిందే. అయితే తన ఇన్ స్టాలో పోస్టు చేసిన టీపీ విజయన్ గరుడతో ఈ సినిమా గురించి మళ్లీ వార్తల్లోకి రావడం విశేషం. వీరి కాంబోలో రానున్న సినిమా గురించి పూర్తి స్థాయిలో చిత్ర టీమ్ అధికారికంగా ప్రకటించాల్సి ఉంది. అప్పటి వరకు మహేశ్ బాబు ఫ్యాన్స్ ఆగక తప్పదు.
మహేశ్ బాబు, రాజమౌళి కాంబో అంటే భారీ అంచనాలే ఉంటాయి. ఇక వరుస విజయాలతో దూకుడు మీదున్న భారతీయ దర్శక బాహుబలి రాజమౌళి ఈ సినిమాకు కూడా పెద్ద కథనే ప్లాన్ చేసుకున్నాడట. మరి మహేశ్ బాబు ఈ పాన్ ఇండియా దర్శకుడి అంచనాలను అందుకుంటాడో లేదో వేచిచూడాలి. ఇక గుంటూరు కారం తర్వాత మహేశ్ బాబు చేస్తున్న సినిమా ఇదే కావడంతో ఆయన అభిమానుల్లో అంచనాలు మరింత పెరిగిపోయాయి. ఈసారి బ్లాక్ బస్టర్ హిట్ కావాల్సిందేనని వారంతా పోస్టులు పెడుతున్నారు. సో ఈ సినిమాను త్వరలోనే ప్రకటిస్తారని టాక్.