Animal Event : యానిమల్ ఈవెంట్ కు గెస్ట్ లుగా మహేశ్, రాజమౌళి.. ఇక బాక్సాఫీస్ బద్దలే..!
Animal Event
Animal Event : సంచలన దర్శకుడిగా సందీప్ రెడ్డి వంగకు పేరుంది. ఎందుకంటే ఆయన తీసిన అర్జున్ రెడ్డి మూవీ ఎన్ని రికార్డులు బద్దలు కొట్టిందో ప్రత్యేకంగా చెప్పుకోవాల్సిన అవసరం లేదు కాబోలు. ఆ సినిమాను అన్ని భాషల్లో రీమేక్ చేయగా.. అక్కడ కూడా భారీ హిట్ ను దక్కించుకుని కలెక్షన్ల సునామీ సృష్టించింది. ఇక ఆయన దర్శకత్వంలో తాజాగా వస్తున్న మూవీ యానిమల్ మూవీపై కూడా లెక్కలేనన్ని అంచనాలు ఉన్నాయి.
బాలీవుడ్ అగ్ర హీరో రణ్‌ బీర్ కపూర్ తో పాటు ఆయనకు జోడీగా రష్మిక మందన్నా నటిస్తుండటంతో అంచనాలు బాగా పెరిగిపోయాయని అంటున్నారు వారి అభిమానులు. ఈ మూవీ ట్రైలర్ ఇప్పటికే మాస్ ఆడియెన్స్ ను బాగానే ఆకట్టుకుందని చెప్పుకోవాలి. ఇక డిసెంబర్ 1వ తేదీన ఈ మూవీ గ్రాండ్ గా విడుదల కాబోతోంది.
ఈ క్రమంలోనే మూవీ ప్రీ రిలీజ్ ఈవెంట్ ను హైదరాబాద్ లో నిర్వహించేందుకు ప్లాన్ చేస్తున్నారు మూవీ టీమ్. కాగా ఈ ప్రీ రిలీజ్ ఈవెంట్ కు ముఖ్య అతిథులుగా సూపర్ స్టార్ మహేశ్ బాబు, సంచలన దర్శకుడు రాజమౌళి వస్తున్నారంట. ఇప్పుడు ఇదే విషయం సోషల్ మీడియాలో హాట్ టాపిక్ గా మారిపోయిందని చెప్పుకోవాలి.
గతంలో రణ్‌ బీర్ కపూర్ చేసిన బ్రహ్మాస్త్ర మూవీకి కూడా రాజమౌళి తెలుగులో ముఖ్య అతిథిగా వచ్చేసి ప్రచారం నిర్వహించారు. ఇప్పుడు మరోసారి ఆయన సినిమాకు ప్రచారం కల్పించబోతున్నారు. చూస్తుంటే రాజమౌళికి, రణ్‌ బీర్ కపూర్ కు ఏదో లింక్ ఉందని అంటున్నారు తెలుగు జనాలు. రాజమౌళితో ఇప్పుడు మహేశ్ బాబు సినిమా స్టార్ట్ అయిన విషయం కూడా అందరికీ విదితమే.