Maa Nanna Super Hero
Maa Nanna Super Hero Teaser : టాలీవుడ్ టాలెంటెడ్ హీరోల్లో సుధీర్ బాబు ఒకరు. గతేడాది మామ మశ్ఛీంద్ర సినిమాతో డిజాస్టర్‌ని చవిచూసిన ఆయన ఈ ఏడాది హంట్, హరోంహర చిత్రాలతో హ్యాట్రిక్‌ ఫ్లాప్‌లు అందుకున్నారు. సుధీర్ బాబుకి ఇప్పుడు పెద్ద హిట్ అవసరం. అందుకే ఈసారి సీరియస్ ఎమోషనల్ డ్రామాతో ప్రేక్షకుల ముందుకు వచ్చేందుకు రెడీ అవుతున్నాడు. సుధీర్ బాబు హీరోగా తెరకెక్కుతున్న చిత్రం మానాన్న సూపర్ హీరో. అభిలాష్ రెడ్డి కంకర దర్శకత్వం వహిస్తున్న ఈ చిత్రాన్ని వి సెల్యులాయిడ్స్, సిఎఎమ్ ఎంటర్‌టైన్‌మెంట్స్‌తో కలిసి సునీల్ బలుసు నిర్మిస్తున్నారు. రీసెంట్‌గా చిత్ర యూనిట్ విడుదల చేసిన ఈ సినిమా టీజర్‌కి సోషల్ మీడియాలో మంచి రెస్పాన్స్ వస్తోంది.
సుధీర్ బాబు కథానాయకుడిగా నటిస్తున్న “మా నాన్న సూపర్ హీరో” సినిమా టీజర్‌ను చిత్ర యూనిట్ తాజాగా విడుదల చేసింది. నేచురల్ స్టార్ నాని సోషల్ మీడియా వేదికగా విడుదల చేసిన ఈ సినిమా టీజర్ కు మంచి రెస్పాన్స్ వస్తోంది. ఇక “మా నాన్న సూపర్ హీరో” టీజర్ పూర్తి ఎమోషనల్ కంటెంట్, తండ్రీ కొడుకుల భావోద్వేగాలతో నిండి ఉంది. సగటు తండ్రీ కొడుకుల మధ్య జరిగే ఎమోషనల్ జర్నీని ఈ సినిమాలో చూపించనున్నారు. టీజర్‌లో సుధీర్ బాబుతో పాటు సాయి చంద్, షాయాజీ షిండే కీలక పాత్రల్లో కనిపించారు. ఇక టీజర్‌లో “అమ్మని అన్నం పెట్టమంటే అడుక్కున్నట్టు కాదు”… “నాన్న ముందు తగ్గితే ఓడిపోయినట్టు కాదు” అంటూ సుధీర్ బాబు చెప్పే డైలాగ్ చాలా బాగుంది.
ఇక “మా నాన్న సూపర్ హీరో” టీజర్ చూస్తుంటే సినిమాలో నటనకు ప్రాధాన్యమున్న పాత్రలే ఉన్నాయని అర్థమవుతోంది. టీజర్‌లో జై క్రిష్ ఫీల్ గుడ్ బ్యాక్ గ్రౌండ్ స్కోర్ అందించాడు. ఇక ఆర్నా కథానాయికగా నటిస్తున్న ఈ చిత్రంలో సాయిచంద్, సాయాజీ షిండే, రాజు సుందరం, శశాంక్, ఆమని తదితరులు కీలక పాత్రలు పోషిస్తున్నారు. ఇక మా నాన్న సూపర్ హీరో మూవీని మేకర్స్ అక్టోబర్ 11, 2024న ప్రపంచవ్యాప్తంగా థియేటర్లలో విడుదల చేయనున్నారు. ఇక ఈ సినిమాతో సుధీర్ బాబు హిట్ కొడతాడేమో చూడాలి.
