LSG Vs MI : తక్కువ స్కోర్.. అయినా ఉత్కంఠ

LSG Vs MI

LSG Vs MI : ఇండియన్ ప్రీమియర్ లీగ్ 17వ సీజన్‌లో 48 వ మ్యాచ్ లక్నో సూపర్ జెయింట్స్ నాలుగు వికెట్ల తేడాతో ముంబై ఇండియన్స్ ని ఓడించింది. లక్నోలోని భారతరత్న శ్రీ అటల్ బిహారీ వాజ్‌పేయి ఏకనా క్రికెట్ స్టేడియంలో జరిగిన మ్యాచ్‌లో ముంబై లక్నోకు 145 పరుగుల లక్ష్యాన్ని నిర్దేశించింది. చివరి ఓవర్‌లో లక్ష్యాన్ని సాధించింది. ప్రస్తుత సీజన్‌లో 10 మ్యాచ్‌లలో ముంబై ఇండియన్స్‌కు ఇది ఏడో ఓటమి. మరోవైపు లక్నో సూపర్ జెయింట్స్‌కు 10 మ్యాచ్‌ల్లో ఇది ఆరో విజయం. పాయింట్ల పట్టికలో లక్నో మూడో స్థానానికి చేరుకుంది. ముంబై 9వ స్థానంలో ఉంది.

స్టోయినిస్ ఆల్ రౌండ్ ప్రదర్శన చేశాడు

బాల్, బ్యాటింగ్‌తో అద్భుత ప్రదర్శన చేసిన మార్కస్‌ స్టోయినిస్‌ లక్నో విజయంలో ప్రధాన పాత్ర పోషించాడు. స్టోయినిస్ 3 ఓవర్లలో 19 పరుగులిచ్చి ఒక వికెట్ తీశాడు. బ్యాటింగ్ లో  45 బంతుల్లో 7 ఫోర్లు, రెండు సిక్సర్లతో 62 పరుగులు చేశాడు. పాటు కేఎల్ రాహుల్ 28 పరుగులు, దీపక్ హుడా 18 పరుగులు, నికోలస్ పురాన్ అజేయంగా 14 పరుగులు చేశారు. ముంబై తరఫున కెప్టెన్ హార్దిక్ పాండ్యా గరిష్టంగా రెండు వికెట్లు తీశాడు.

టాస్ ఓడి తొలుత బ్యాటింగ్ చేసిన ముంబై ఇండియన్స్ ఏడు వికెట్ల నష్టానికి 144 పరుగులు చేసింది. ముంబై తరఫున టిమ్ డేవిడ్ 18 బంతుల్లో మూడు ఫోర్లు, ఒక సిక్స్‌తో అజేయంగా 35 పరుగులు చేశాడు. నెహాల్ వధేరా 46 పరుగులతో, ఇషాన్ కిషన్ 32 పరుగులు చేశారు. వధేరా 41 బంతుల్లో నాలుగు ఫోర్లు, రెండు సిక్సర్లతో  ఆకట్టకున్నాడు. ఇషాన్ 36 బంతుల్లో మూడు ఫోర్లు బాదాడు. బర్త్‌డే బాయ్ రోహిత్ శర్మ ఏమీ చేయలేకపోయాడు. కేవలం నాలుగు పరుగులు మాత్రమే తీశాడు. లక్నో సూపర్ జెయింట్స్ తరఫున మొహ్సిన్ ఖాన్ అత్యధికంగా రెండు వికెట్లు పడగొట్టాడు. మార్కస్‌ స్టోయినిస్‌, నవీన్‌ ఉల్‌ హక్‌, రవి బిష్ణోయ్‌, మయాంక్‌ యాదవ్‌లకు తలో వికెట్ దక్కింది.

 ఈ మ్యాచ్‌లో ఇరు జట్లలో భారీ మార్పులు చోటు చేసుకున్నాయి. ఫాస్ట్ బౌలర్ మయాంక్ యాదవ్ లక్నో జట్టులోకి తిరిగి వచ్చాడు. అర్షిన్ కులకర్ణి, ఆఫ్ఘన్ ఫాస్ట్ బౌలర్ నవీన్ ఉల్ హక్ కూడా అడుగుపెట్టారు. మరోవైపు, ముంబై ఇండియన్స్ ఈ మ్యాచ్‌లో ఫాస్ట్ బౌలర్ గెరాల్డ్ కోయెట్జీకి అవకాశం ఇవ్వగా, ల్యూక్ వుడ్ ఔట్‌గా కూర్చున్నాడు.  ఇండియన్ ప్రీమియర్ లీగ్ చరిత్రలో ఇప్పటి వరకు లక్నో సూపర్ జెయింట్స్, ముంబై ఇండియన్స్ మధ్య ఐదు మ్యాచ్‌లు జరిగాయి. లక్నో సూపర్ జెయింట్ నాలుగు మ్యాచ్‌ల్లో విజయం సాధించగా, ముంబై ఇండియన్స్ ఒక మ్యాచ్‌లో గెలిచింది. చివరిసారి ఇరు జట్ల మధ్య మ్యాచ్ జరిగినప్పుడు ముంబై ఇండియన్స్ 81 పరుగుల తేడాతో విజయం సాధించింది.