Hrithik Roshan : ఎన్టీఆర్ తో కలిసి నటించడానికి ఎదురు చూస్తున్నా – హృతిక్ రోషన్

Looking forward to acting with NTR

Hrithik Roshan : #RRR చిత్రం తర్వాత యంగ్ టైగర్ ఎన్టీఆర్ కొరటాల శివ తో దేవర అనే చిత్రం చేస్తున్న సంగతి తెలిసిందే. ఈ సినిమా షూటింగ్ శరవేగంగా జరుగుతుంది. ఏప్రిల్ 5 వ తారీఖున విడుదల అవ్వాల్సిన ఈ సినిమా వాయిదా పడే అవకాశాలు కూడా ఉన్నాయని అంటున్నారు. దీనికి సంబంధించిన అధికారిక ప్రకటన బయటకి రావాల్సి ఉంది. ఒకవేళ వాయిదా పడితే ఈ చిత్రం ఈ ఏడాది సెప్టెంబర్ లో విడుదలయ్యే అవకాశం ఉంటుంది.

ఇప్పటికే ఈ సినిమాకి సంబంధించిన గ్లిమ్స్ వీడియో కి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ వచ్చింది. ప్రీ రిలీజ్ బిజినెస్ కూడా ఊహకందని రేంజ్ లో జరుగుతున్నాయి. ఈ చిత్రం తర్వాత ఎన్టీఆర్ ప్రశాంత్ నీల్ తో ఒక సినిమా, ఆ తర్వాత హ్రితిక్ రోషన్ తో కలిసి ‘వార్ 2 ‘ చిత్రం లో నటించబోతున్న సంగతి తెలిసిందే.

ఈ సినిమా ఎప్పుడెప్పుడు మొదలు అవుతుందా అని అభిమానులు ఆతృతగా ఎదురు చూస్తున్నారు. ఇందులో జూనియర్ ఎన్టీఆర్ నెగటివ్ రోల్ లో కనిపించబోతున్నట్టు వార్తలు వినిపిస్తున్నాయి. దీనికి సంబంధించిన వివరాలు తెలియాల్సి ఉంది. ఇది కాసేపు పక్కన పెడితే రీసెంట్ గా హృతిక్ రోషన్ హీరో గా నటించిన ‘ఫైటర్’ చిత్రం విడుదలై భారీ హిట్ అయిన సంగతి తెలిసిందే. ఈ సినిమా ప్రొమోషన్స్ లో పాల్గొన్న హృతిక్ రోషన్ ని ఎన్టీఆర్ తో కలిసి చెయ్యబొయ్యే ‘వార్ 2 ‘ చిత్రం గురించి అడుగుతుంది.

అప్పుడు హృతిక్ రోషన్ స్పందిస్తూ, ‘హా అవును..మేమిద్దరం త్వరలోనే కలిసి వార్ 2 చెయ్యబోతున్నాము. ప్రారంభం అవ్వడానికి కొన్ని రోజులు పడుతుంది. నేను కూడా ఎదురు చూస్తున్నాను’ అంటూ సమాధానం ఇచ్చాడు. ఇద్దరు అద్భుతమైన డ్యాన్సర్స్ కలిసి ఒక సినిమాలో చేస్తే #RRR చిత్రానికి ఆస్కార్ అవార్డు వచ్చింది. ఇప్పుడు మళ్ళీ హృతిక్ రోషన్, ఎన్టీఆర్ లాంటి డ్యాన్సర్స్ కలిస్తే ఈసారి ఎలాంటి అద్భుతాలు నెలకొంటాయో చూడాలి.