Lokesh
అంతకుముందు మైక్రోసాఫ్ట్, యాపిల్, అడోబ్, తదితర సంస్థల ప్రతినిధులను కలిశారు లోకేశ్. మైక్రోసాఫ్ట్ సీఈవో సత్య నాదెళ్లతో సమావేశమై.. రాష్ట్రాభివృద్ధికి మైక్రోసాఫ్ట్ సహకరించాలని కోరారు. అమరావతిని ఏఐ క్యాపిటల్‌గా రూపొందిస్తామని, ఏఐ యూనివర్సిటీకి పెట్టుబడులు పెట్టాలని సత్యనాదెళ్లను కోరారు. డిజిటల్ గవర్నెన్స్ విధానాల్లో మైక్రోసాఫ్ట్ సహకరించాలని విన్నవించారు. సత్య నాదెళ్ల సానుకూలంగా స్పందించినట్లు మంత్రి లోకేశ్ చెప్పారు.
అడోబ్ CEO శంతను నారాయణ్‌ను శాన్‌ఫ్రాన్సిస్కోలో కలిశారు. ఏపీకి పెట్టుబడులతో రావాలని కోరారు. యాపిల్ కేంద్ర కార్యాలయాన్ని సందర్శించి, వైస్ ప్రెసిడెంట్ ప్రియా బాలసుబ్రహ్మణ్యంను కలిశారు లోకేష్. సంస్థ కార్యకలాపాలను ఏపీలో విస్తరించాలని కోరారు.
ఎలక్ట్రిక్ వాహనాల అగ్రగామి సంస్థ టెస్లా ఆఫీస్ ను సందర్శించిన లోకేశ్.. ఆ కంపెనీ సీఎఫ్ఓ వైభవ్‌తో సమావేశం అయ్యారు. డల్లస్ లో పెరోట్ గ్రూప్ చైర్మన్‌ను కలిసి మాట్లాడారు. లోకేశ్ అమెరికా పర్యటన ఏపీ అభివృద్ధి.. పెట్టుబడుల ఆకర్షణే లక్ష్యంగా కొనసాగింది. త్వరలో రాష్ట్రానికి దిగ్గజ కంపెనీలు క్యూ కడుతాయన్నారు టీడీపీ నేతలు..