Lokesh Next CM : అమెరికా పర్యటనలో ఉన్న ఏపీ మంత్రి నారా లోకేశ్ కు కాబోయే సీఎం అంటూ స్వాగతం పలికారు. దీనికి సంబంధించిన వీడియో ఒకటి సోషల్ మీడియాలో వైరలయింది. ఏపీకి పెట్టుబడులను ఆకర్షించడమే లక్ష్యంగా లోకేశ్ వారం రోజుల పాటు అమెరికాలోని పలు నగరాల్లో పర్యటించారు. ఈ సందర్భంగా టీడీపీ ఎన్నారై విభాగం ఆధ్వర్యంలో టీడీపీ అభిమానులు, తెలుగు ప్రముఖులు ఆయనకు ఘన స్వాగతం పలికారు. అందులో భాగంగానే ‘‘వెల్ కం టు యుఎస్ఏ, ఫ్యూచర్ చీఫ్ మినిస్టర్ అఫ్ ఆంధ్రప్రదేశ్’’ అనే పోస్టర్ ను హెలికాప్టర్ తో ఆకాశంలో ప్రదర్శించారు. ఈ వీడియో టీడీపీ అభిమానులను ఆకట్టుకుంటోంది.
