Lok Sabha Elections 2024
Lok Sabha Elections 2024 : ప్రస్తుతం కర్ణాటక, తెలంగాణ, హిమాచల్ ప్రదేశ్ రాష్ట్రాల్లో మాత్రమే కాంగ్రెస్ అధికారంలో ఉంది. 2022 డిసెంబర్ లో జరిగిన హిమాచల్ అసెంబ్లీ ఎన్నికలు, 2023 మేలో జరిగిన కర్ణాటక అసెంబ్లీ ఎన్నికలు, 2023 డిసెంబర్ లో జరిగిన తెలంగాణ అసెంబ్లీ ఎన్నికల్లో కాంగ్రెస్ పార్టీ విజయం సాధించిం ప్రభుత్వాలను ఏర్పాటు చేసింది.
లోక్ సభ ఎన్నికలు సమీపిస్తున్న తరుణంలో కాంగ్రెస్ పాలనలోని ఈ రాష్ట్రాల్లో భారతీయ జనతా పార్టీ ఎలా పనిచేస్తుంది? మరి ఈ మూడు రాష్ట్రాల్లో బీజేపీ గెలిస్తే ఏమవుతుంది? తెలుసుకుందాం.
లోక్ సభ ఫలితాలు అసెంబ్లీ ఎన్నికల తరహాలో ఉండవనేది ఒప్పుకోవాల్సిన నిజం. సింపుల్ గా చెప్పాలంటే అసెంబ్లీ ఎన్నికల్లో ఒక పార్టీ గెలిస్తే అదే పార్టీ పార్లమెంటు ఎన్నికల్లో కూడా గెలుస్తుందన్న గ్యారంటీ లేదు. దీన్ని రుజువు చేసే ఘటనలు అనేకం ఉన్నాయి. రాష్ట్రాలను ఒక్కొక్కటిగా తీసుకుందాం.
కర్ణాటక..
ఒపీనియన్ పోల్స్ ఏం చెబుతున్నాయి? ప్రస్తుతం కాంగ్రెస్ పాలిత కర్ణాటకలోని 28 లోక్ సభ స్థానాలకు గానూ 22 స్థానాలను బీజేపీ గెలుచుకుంటుందని ఇండియా టీవీ-సీఎన్ ఎక్స్ ఒపీనియన్ పోల్ స్పష్టం చేసింది. ఇండియా టుడే మూడ్ ఆఫ్ ది నేషన్ కూడా కర్ణాటకలో బీజేపీకి ఎడ్జ్ ఇచ్చింది. ఎన్డీయే (బీజేపీ+ జేడీఎస్) 24 సీట్లు గెలుచుకుంటుందని, బీజేపీ 4 సీట్లు గెలుచుకునే అవకాశం ఉందని తెలిపింది.
గత ఎన్నికల ట్రెండ్స్..
కర్ణాటక అసెంబ్లీ ఎన్నికలు ‘రివాల్వింగ్ డోర్’ నమూనాను చూపించాయి – అంటే ప్రతీ ఐదేళ్లకు ప్రభుత్వం (అధికారంలో ఉన్న పార్టీ) మారుతుంది. అయితే లోక్ సభ ఎన్నికల్లో ఆ రాష్ట్రం బీజేపీకి అనుకూలంగా ఓటు వేసింది.
చివరి సారిగా 1999లో బీజేపీ కంటే కాంగ్రెస్ ఎక్కువ లోక్ సభ స్థానాలను గెలుచుకుంది. 1999లో కర్ణాటకలో కాంగ్రెస్ అత్యధికంగా 18 లోక్ సభ స్థానాలను గెలుచుకోగా, బీజేపీ కేవలం 8 స్థానాలను మాత్రమే గెలుచుకుంది. 1999 తరువాత, బీజేపీ కాంగ్రెస్ కంటే ఎక్కువ లోక్ సభ స్థానాలను గెలుచుకుంటోంది – అయినప్పటికీ రాష్ట్ర ప్రభుత్వం బీజేపీ, కాంగ్రెస్ మధ్య మారుతూ వస్తుంది.
గత ఎన్నికల్లో ఏం జరిగింది..?
2013-2014 ఎన్నికల్లో బీజేపీ విజయం సాధించగా, 2013లో అసెంబ్లీ ఎన్నికల్లో ఓడిపోయింది. 2013 అసెంబ్లీ ఎన్నికల్లో మొత్తం 224 స్థానాలకు గానూ బీజేపీ 40, కాంగ్రెస్ 122, జేడీఎస్ 40 స్థానాల్లో విజయం సాధించాయి. సరిగ్గా ఏడాది తర్వాత (2014) బీజేపీ 17, కాంగ్రెస్ 9, జేడీఎస్ 2 స్థానాల్లో విజయం సాధించాయి.
2018లో జరిగిన కర్ణాటక అసెంబ్లీ ఎన్నికల్లో బీజేపీ 104 స్థానాలు గెలుచుకొని అతిపెద్ద పార్టీగా అవతరించింది. అయితే మెజారిటీ మార్కును దాటడానికి ఏడు స్థానాలు తగ్గడంతో ప్రభుత్వాన్ని ఏర్పాటు చేయడంలో విఫలమైంది. ఏడాది తర్వాత 2019 లోక్ సభ ఎన్నికల్లో మొత్తం 28 స్థానాలకు గానూ బీజేపీ అత్యధికంగా 25 సీట్లు గెలుచుకుంది. కాంగ్రెస్, జేడీఎస్, స్వతంత్ర అభ్యర్థి చెరో స్థానంలో విజయం సాధించారు.
2019 ఎన్నికల తర్వాత ఏం జరిగింది? కాంగ్రెస్ ప్రభుత్వం కూలిపోయింది. కర్ణాటకలో ముఖ్యమంత్రి కుమారస్వామి విశ్వాస పరీక్షలో ఓడిపోవడంతో కాంగ్రెస్-జేడీఎస్ నేతృత్వంలోని ప్రభుత్వం కుప్పకూలింది. రాష్ట్రంలో బీజేపీ ప్రభుత్వాన్ని ఏర్పాటు చేసింది.
ఈ ఏడాది లోక్ సభ ఎన్నికల్లో బీజేపీ చేతిలో కాంగ్రెస్ ఓడిపోతే సిద్ధరామయ్య నేతృత్వంలోని ప్రస్తుత కాంగ్రెస్ రాష్ట్ర ప్రభుత్వం పడిపోయే అవకాశం ఉందని భావిస్తున్నారు.
తెలంగాణ..
మూడ్ ఆఫ్ ది నేషన్ సర్వే కాంగ్రెస్ కు అత్యధిక లాభం తెలంగాణలో ఉంటుందని సూచించింది. 2019లో గెలిచిన మూడు స్థానాలతో పోలిస్తే కాంగ్రెస్ కు 10 సీట్లు వస్తాయని తెలిపింది. అయితే తెలంగాణలో బీజేపీ ఒక సీటు కోల్పోయి మూడు స్థానాలతో సరిపెట్టుకుంటుంది. ఇది ఇలాఉండగా, ఇండియా టీవీ-సీఎన్ఎక్స్ ఒపీనియన్ పోల్ తెలంగాణలో బీజేపీ మరో నాలుగు సీట్లపై గెలుచుకుంటుందని తెలిపింది.
గత ఎన్నికల్లో ఏం జరిగింది.?
2014లో తెలంగాణ రాష్ట్రం ఏర్పడింది. ప్రాంతీయ తెలంగాణ రాష్ట్ర సమితి (ఇప్పుడు భారత రాష్ట్ర సమితి) 2018లో రాష్ట్రంలో మొదటి అసెంబ్లీ ఎన్నికలను, అలాగే 2019 లో దాని మొదటి లోక్సభ ఎన్నికలను గెలుచుకుంది.
2018 అసెంబ్లీ ఎన్నికల్లో మొత్తం 119 స్థానాలకు గానూ గరిష్టంగా 88 స్థానాలను అప్పటి బీఆర్ఎస్ గెలుచుకుంది. బీజేపీ-1, కాంగ్రెస్-19, ఎంఐఎం-7, టీడీపీ-2 స్థానాల్లో విజయం సాధించాయి.
ఏడాది తర్వాత జరిగిన 2019 ఎన్నికల్లో బీఆర్ఎస్-9 స్థానాలు గెలుచుకుంది. బీజేపీ నాలుగు స్థానాలను గెలుచుకోగా, కాంగ్రెస్ మూడు, ఎంఐఎం ఒక స్థానానికి పరిమితమైంది.
అయితే, రెండో అసెంబ్లీ ఎన్నికల్లో తెలంగాణను కాంగ్రెస్ గెలుచుకుంది. 2023 అసెంబ్లీ ఎన్నికల్లో ఆ పార్టీ అసెంబ్లీలో మెజారిటీ మార్కును అంటే 60 దాటి ప్రభుత్వాన్ని ఏర్పాటు చేసింది. గత ఎన్నికల మాదిరిగానే ఈ ఏడాది లోక్ సభ ఎన్నికలు జరుగుతాయా? అనేది జూన్ 4న ఫలితాలు వెల్లడయ్యే సమయంలోనే తేలనుంది.
హిమాచల్ ప్రదేశ్
మూడ్ ఆఫ్ ది నేషన్ పోల్, ఇండియా టీవీ-సీఎన్ఎక్స్ ఒపీనియన్ పోల్ రెండూ 2019 లోక్ సభ ఎన్నికల్లో మాదిరిగానే హిమాచల్ ప్రదేశ్ లోని మొత్తం 4 లోక్ సభ స్థానాలను బీజేపీ గెలుచుకునే అవకాశం ఉందని సూచించాయి. బీజేపీకి 67 శాతం, కాంగ్రెస్ కు 27 శాతం ఓట్లు వస్తాయని నెట్ వర్క్ 18 మెగా ఒపీనియన్ పోల్ అంచనా వేసింది.
గత ఎన్నికల్లో ఏం జరిగింది..?
హిమాచల్ ప్రదేశ్ లోని నాలుగు లోక్ సభ స్థానాలను 2014 నుంచి బీజేపీ గెలుచుకుంటూ వస్తోంది. లోక్ సభ ఎన్నికలకు రెండేళ్ల ముందు హిమాచల్ ప్రదేశ్ లో జరిగిన అసెంబ్లీ ఎన్నికలతో పోలిక ఇక్కడ ఉంది.
అధికార కాంగ్రెస్ పార్టీలో తాజా తిరుగుబాటు నేపథ్యంలో హిమాచల్ ప్రదేశ్ వ్యవహారం మరింత ఆసక్తికరంగా మారింది. 2024 రాజ్యసభ ఎన్నికల్లో, కొంత మంది కాంగ్రెస్ నాయకులు బీజేపీ అభ్యర్థికి అనుకూలంగా ఓటు వేశారని భావిస్తున్నారు – ఇది కాంగ్రెస్ రాష్ట్ర యూనిట్ లో చీలికను సూచిస్తుంది.
దీన్ని బట్టి అసెంబ్లీ ఎన్నికల్లో గెలిస్తే లోక్ సభ స్థానాలు గెలుస్తుందని అనుకోవడం సరికాదని స్పష్టమవుతోంది. 2024 లోక్ సభ ఎన్నికల్లో ఏం జరిగిందంటే- బీజేపీ 370 మార్కును దాటుతుందా? ప్రస్తుతం అధికారంలో ఉన్న రాష్ట్రాల్లో కాంగ్రెస్ ఓడిపోతుందా? ఈ ఏడాది లోక్ సభ ఎన్నికల ఫలితాలు వెలువడే జూన్ 4న ఈ ఊహాగానాలకు తెరపడనుంది.