Liquor delivery : జొమాటో, స్విగ్గీ, బిగ్ బాస్కెట్ లో మద్యం డెలివరీ

Liquor delivery : మద్యం ప్రియులకు ఫుడ్ డెలివరీ యాప్ లు గుడ్ న్యూస్ చెప్పాయి. ఆన్ లైన్ లో ఫుడ్,
ఇతర వస్తువులను ఆర్డర్ చేసుకుంటే వాటిని ఇంటి వద్దకే తెచ్చి ఇస్తున్నట్లుగా త్వరలోనే లిక్కర్ ను సైతం హోం డెలివరీ చేయడానికి చర్యలు తీసుకుంటున్నాయి. స్విగ్గీ, జొమాటో, బిగ్ బాస్కెట్ ప్లాట్ ఫారంల ద్వారా త్వరలోనే లిక్కర్ హోం డెలివరీ చేయాలని మద్యం తయారీదారులు యోచిస్తున్నారు. మద్యం హోం డెలివరీ చేసే విధానం ఇప్పటికే ఒడిశా, పశ్చిమ బెంగాల్ లో అమల్లో ఉండగా త్వరలో ఢిల్లీ, కర్ణాటక, తమిళనాడు, కేరళ, హర్యానా, పంజాబ్, గోవా వంటి రాష్ట్రాల్లో పైలట్ ప్రాజెక్టుగా అమలు చేయడానికి ప్రయత్నాలు జరుగుతున్నాయి.

కాగా, కోవిడ్-19 సమయంలో మహారాష్ట్ర, జార్ఖండ్, ఛత్తీస్ గఢ్, అస్సాంలో తాత్కాలికంగా మద్యం హోం డెలివరీకి ఆయా ప్రభుత్వాలు అనుమతించాయి. అయితే, గతంలో ఇంటర్నేషనల్ స్పిరిట్స్ అండ్ వైన్స్ అసోసియేషన్ ఆఫ్ ఇండియా నిర్వహించిన సర్వేలో 100 శాతం మంది హైదరాబాదీలు మద్యం హోం డెలివరీ సేవలు ప్రారంభించాలని కోరినట్లు వెల్లడైంది.