Prashanth Neel
Prashanth Neel : డార్లింగ్ ప్రభాస్ అభిమానులే కాదు సినీ లవర్స్ సైతం ఎంతగానో ఎదురు చూస్తున్న సినిమాల్లో ”సలార్” ఒకటి.. ఈ సినిమా క్రిస్మస్ కానుకగా ఈ ఏడాది డిసెంబర్ 22న వరల్డ్ వైడ్ గా రిలీజ్ కాబోతుంది.. దీంతో ఇప్పుడు అందరి ద్రుష్టి ఈ సినిమా మీదనే ఉంది.. యాక్షన్ థ్రిల్లర్ గా తెరకెక్కుతున్న ఈ సినిమాను కేజిఎఫ్ డైరెక్టర్ ప్రశాంత్ నీల్ డైరెక్ట్ చేస్తున్నాడు..
కేజిఎఫ్ సిరీస్ తో ఒక్కసారిగా పాపులర్ అయ్యిన నీల్ ఆ వెంటనే ప్రభాస్ తో సలార్ సినిమాను పట్టాలెక్కించాడు.. కానీ ఈ సినిమా గత ఏడాది రిలీజ్ కావాల్సి ఉండగా వాయిదా పడి ఈ ఏడాది చివరికి రిలీజ్ కు రెడీ అయ్యింది.. ఇది కూడా నీల్ రెండు పార్టులుగా తెరకెక్కిస్తుండగా మొదటి పార్ట్ ఇప్పుడు రిలీజ్ కాబోతుంది..
విడుదల డేట్ దగ్గర పడడంతో ఈ సినిమా ప్రమోషన్స్ కు రెడీ అవుతున్నారు.. ఇప్పటికే డైరెక్టర్ నీల్ ఒక ఇంటర్వ్యూలో పాల్గొని ఈ సినిమాపై కొన్ని ఆసక్తికర విషయాలను మీడియాతో పంచుకున్నారు. ఈ సినిమాతో కేజిఎఫ్ కు లింక్ ఉందా లేదా అనే విషయంలో ప్రేక్షకులు ముందు నుండి అయోమయంగానే ఉన్నారు.
తాజాగా ఈ విషయంలో నీల్ క్లారిటీ ఇచ్చేసాడు.. కేజిఎఫ్ కు సలార్ సినిమాకు ఎలాంటి లింక్ లేదని తాను కేజిఎఫ్ కంటే ముందే సలార్ సినిమా స్టోరీ రాసుకున్నట్టు తెలిపారు..
కెజిఎఫ్ తో సలార్ ను పోలచకూడదు అని డిఫరెంట్ ఎమోషన్స్ మాత్రమే కాదు విభిన్నమైన స్టోరీ టెల్లింగ్ ఈ సినిమాలో ఉంటుందని నీల్ చేసిన వ్యాఖ్యలు వైరల్ అవుతున్నాయి.. కాగా హోంబలే వారు భారీ బడ్జెట్ తో నిర్మించిన ఈ సినిమాలో శృతి హాసన్ హీరోయిన్ గా నటించింది. చూడాలి ప్రభాస్ ఖాతాలో ఈ సినిమాతో అయినా మరో బ్లాక్ బస్టర్ పడుతుందో లేదో..