Leopard : శ్రీశైలంలో చిరుత పులి సంచారం

Leopard : శ్రీశైలంలో చిరుతపులి సంచారం కలకలం రేపింది. పాతాళగంగ మార్గంలోని ఆలయ ఏఈవో మోహన్ ఇంటి వద్ద చిరుత కనపించింది. చిరుత సంచరిస్తున్న దృశ్యాలు అక్కడి సీసీ కెమెరాలలో రికార్డు అయ్యాయి. పాతాళగంగ మార్గంలోని ఇంటి ప్రహరీ గోడపై మంగళవారం తెల్లవారుజామున నడుచుకుంటూ వచ్చి కుక్కను ఎత్తుకెళ్లేందుకు చిరుత ప్రయత్నించింది. ఇంటి ప్రహరీ గోడపై చిరుతపులి ఉన్న వీడియో సీసీ టీవీ ఫుటేజీలో రికార్డు అయ్యాయి. దీంతో స్థానికులు తీవ్ర భయాందోళనకు గురవుతున్నారు.

సమాచారం తెలుసుకున్న అటవీశాఖ అధికారులు అక్కడకు చేరుకున్నారు. చిరుతపులి తిరిగిన ప్రదేశాలను అటవీశాఖ అధికారులు పరిశీలించారు. చిరుత సంచారం నేపథ్యంలో రాత్రుల సమయంలో అప్రమత్తంగా ఉండాలని స్థానికులకు సిబ్బంది విజ్ఞప్తి చేశారు. చిరుతను బంధించేందుకు అటవీ అధికారులు ప్రయత్నిస్తున్నారు.