Pushpa-2
Pushpa-2 : ఐకాన్ స్టార్ అల్లు అర్జున్ ప్రస్తుతం క్రేజీ సీక్వెల్ ‘పుష్ప-2’ షూటింగ్‌లో బిజీగా ఉన్నాడు. దర్శకుడు సుకుమార్ దర్శకత్వంలో ‘పుష్ప-1’కి సీక్వెల్‌గా ఈ సినిమా రానుంది. ఇండియన్ బాక్సాఫీస్ వద్ద ఈ సినిమా ఎలాంటి సంచలనం సృష్టిస్తుందా అని అందరూ ఆసక్తిగా వెయిట్ చేస్తున్నారు. తాజాగా ఈ సినిమాకు సంబంధించిన లాంగ్ షెడ్యూల్ ను స్టార్ట్ చేశారు మేకర్స్. ఈ షెడ్యూల్ నెలరోజుల పాటు సాగుతుందని చిత్ర యూనిట్ చెబుతోంది. కాగా ఈ షెడ్యూల్‌లో అల్లు అర్జున్‌తో పాటు సినిమాలోని కీలక నటీనటులు పాల్గొంటున్నారు. ఇక ఈ షెడ్యూల్ లో ప్రస్తుతం ‘పుష్ప-2’ సినిమా క్లైమాక్స్ యాక్షన్ సీక్వెన్స్ చిత్రీకరిస్తున్నట్లు తెలుస్తోంది. భారీ సెట్‌లో ఈ యాక్షన్ సీక్వెన్స్ చిత్రీకరిస్తున్నారు. ఈ షెడ్యూల్‌తో పుష్ప-2 సినిమా షూటింగ్ టాకీ పార్ట్ పూర్తవుతుంది.
వాస్తవానికి ‘పుష్ప-2’ ఈ ఆగ‌స్టు 15కి రావాలి. కానీ షూటింగ్ లేట్ అయింది. దీంతో రిలీజ్ డేట్ కూడా వాయిదా ప‌డింది. ఇప్పుడు సుకుమార్ ద‌గ్గర కావాల్సినంత టైం ఉంది. అందుకే మ‌రింత‌గా క్వాలిటీ కోసం ట్రై చేస్తున్నాడు. ‘పుష్ప 2’ కోసం సుకుమార్ కాస్త వెరైటీగా ఆలోచిస్తున్నాడు. ఈ సినిమాలో క్లైమాక్స్ చాలా కీల‌కం. అందుకే భారీ యాక్షన్ సీన్ డిజైన్ చేశారు. ఈ సీన్‌లో దాదాపు ‘పుష్ప-2’ న‌టీన‌టులంతా ఉండాలి. షెడ్యూల్ కూడా పెద్దదే. క‌నీసం 15 రోజుల పాటు ఈ క్లైమాక్స్ తెర‌కెక్కించాల్సి ఉంటుంది. అంతా ప్లాన్ ప్రకారం స‌రిగ్గా సెట్ చేయాల‌ని లెక్కల మాస్టారు చూస్తున్నాడు.
అందుకోసం ఓ సెట‌ప్ రెడీ చేశాడు. ముందుగా డమ్మీ ఆర్టిస్టుల‌తో క్లైమాక్స్ ను ర‌ఫ్‌గా షూట్ చేసి, ఆ తర్వాత నిజం షూటింగ్ మొదలు పెట్టాలని చూస్తున్నారట. ప్రస్తుతం రామోజీ ఫిల్మ్ సిటీలో డమ్మీ క్లైమాక్స్ షూట్ చేసే ప‌నిలో ఉన్నార‌ని తెలుస్తోంది. సాధార‌ణంగా పాట‌ల‌కు స్టెప్పులు రిహార్సల్స్ చేస్తుంటారు. కానీ సుకుమార్ మాత్రం క్లైమాక్స్ లో షాట్లూ, ఫైట్ సీక్వెన్స్‌ల‌ను సైతం రిహార్సల్స్ చేయిస్తున్నాడ‌ట. రష్మిక మందన్న కథానాయికగా నటిస్తున్న ఈ చిత్రంలో ఫహద్ ఫాజిల్, సునీల్, అనసూయ భరద్వాజ్ ఇతర ముఖ్య పాత్రలు పోషిస్తున్నారు. దేవిశ్రీ ప్రసాద్ సంగీతం అందిస్తున్న ఈ చిత్రాన్ని మైత్రీ మూవీ మేకర్స్ నిర్మిస్తోంది.