Raja Saab : ‘రాజా సాబ్’ చిత్రం లో లెజెండరీ నటుడు..ఫ్యాన్స్ కి ఇక కనుల పండగే!

Legendary actor in the movie ‘Raja Saab’

Raja Saab : యంగ్ రెబెల్ స్టార్ ప్రస్తుతం చేస్తున్న సినిమాలలో ఊర మాస్ ప్రాజెక్ట్ గా పేరు తెచ్చుకున్న చిత్రం ‘రాజా సాబ్’.. మిర్చి సినిమా తర్వాత ప్రభాస్ మన లోకల్ మాస్ ఆడియన్స్ కి దగ్గరయ్యే సినిమాలు చేసి చాలా కాలం అయ్యింది. అన్నీ పాన్ ఇండియన్ రేంజ్ సినిమాలే చేస్తూ మన కమర్షియల్ మాస్ ఎలిమెంట్స్ ఉండే సినిమాలకు దూరం అయ్యాడు. ఫ్యాన్స్ ‘మిర్చి’, ‘బుజ్జిగాడు’ నాటి ప్రభాస్ ని బాగా మిస్ అవుతున్నారు.

అందుకే కేవలం ఫ్యాన్స్ ని దృష్టిలో పెట్టుకొని ఆయన ఈ ‘రాజా సాబ్ ‘ చిత్రం చేస్తున్నాడు. సంక్రాంతి కానుకగా ఈ సినిమాకి సంబంధించిన ఫస్ట్ లుక్ విడుదల కాగా దానికి ఫ్యాన్స్, ఆడియన్స్ నుండి మంచి రెస్పాన్స్ వచ్చింది. లుంగీ గెటప్ లో ప్రభాస్ ని చూసి ఎంతో మురిసిపోయారు ఫ్యాన్స్. ఇప్పటి వరకు ఈ సినిమాకి సంబంధించి 40 శాతం షూటింగ్ పూర్తి అయ్యింది.

ప్రస్తుతం ‘కల్కి’ మూవీ షూటింగ్ ని పూర్తి చేసే పనిపడ్డ ప్రభాస్ ఈ సినిమా పూర్తి అవ్వగానే  ‘రాజాసాబ్’ కి షిఫ్ట్ అవుతాడట. ఈ చిత్రం లో మాళవిక మోహన్, నిధి అగర్వాల్ హీరోయిన్స్ గా నటిస్తుండగా, పీపుల్స్ మీడియా ఫ్యాక్టరీ బ్యానర్ లో విశ్వ ప్రసాద్ నిర్మిస్తున్నాడు. నిన్న ఆయన ఇచ్చిన ఒక ఇంటర్వ్యూ లో ఈ చిత్రం గురించి మాట్లాడుతూ, వచ్చే ఏడాది సంక్రాంతి కానుకగా ఈ సినిమాని విడుదల చేసునేందుకు సన్నాహాలు చేస్తున్నట్టుగా చెప్పుకొచ్చాడు. సెప్టెంబర్ లోపు షూటింగ్ మొత్తం పూర్తి అవుతుందట. తెలుగు లో మాత్రమే కాకుండా హిందీ మరియు ఇతర ప్రాంతీయ భాషల్లో కూడా ఈ సినిమా విడుదల కాబోతుంది. ఇదంతా పక్కన పెడితే ఈ చిత్రం లో ప్రముఖ కమెడియన్ బ్రహ్మానందం కూడా ఒక కీలక పాత్ర పోషిస్తున్నట్టు తెలుస్తుంది. ఏడాది 20 , 30 సినిమాలు చేస్తూ వచ్చే బ్రహ్మానందం ఆరోగ్య పరిస్థితులను దృష్టిలో పెట్టుకొని కొంతకాలం సినిమాలకు దూరం గా ఉంటూ వచ్చాడు.

కానీ ఇప్పుడు దర్శక నిర్మాతల రిక్వెస్ట్ కారణంగా మళ్ళీ ఆయన సినిమాల్లో నటిస్తున్నాడు. ఈ సినిమాలో బ్రహ్మానందం చేత పూర్తి స్థాయి కామెడీ పాత్ర ని వేయించబోతున్నారట. ఈమధ్య కాలంలో బ్రహ్మానందం లోని కామెడీ టైమింగ్ ని చాలా తక్కువ వాడుకుంటున్నారు డైరెక్టర్స్, ఈ సినిమా తో ఆయనలోని వింటేజ్ కామెడీ టైమింగ్ ని వాడుకునేందుకు సిద్దమయ్యాడట డైరెక్టర్ మారుతీ.మరి అది జనాలకు నచ్చుతుందో లేదో చూడాలి.