Varun Tej Birthday, Lavanya Tripathi and Varun Tej
Varun Tej Birthday : మెగా బ్రదర్ నాగ బాబు తనయుడిగా ఇండస్ట్రీ లోకి అడుగుపెట్టిన వరుణ్ తేజ్, అతి తక్కువ సమయం లోనే తనని తాను నిరూపించుకొని, హిట్లు , బ్లాక్ బస్టర్ హిట్లు అందుకున్నాడు. నటుడిగా తన ప్రతీ సినిమాతో విలక్షణత చూపిస్తూ తనకంటూ ఒక ప్రత్యేకమైన మార్కెట్ ని ఏర్పాటు చేసుకున్నాడు. అయితే రీసెంట్ గా ఆయన చేసిన సినిమాలు భారీ ప్లాప్ అయ్యాయి.
కొత్త రకం కోసం ఆయన చేస్తున్న ప్రయత్నాలు బాక్స్ ఆఫీస్ వద్ద వర్కౌట్ అవ్వడం లేదు. ఇకపోతే ఇటీవలే ప్రముఖ హీరోయిన్ లావణ్య త్రిపాఠి ని పెళ్లాడిన వరుణ్ తేజ్,ఆమెని పెళ్లాడిన తర్వాత తన మొట్టమొదటి పుట్టిన రోజు ని జరుపుకున్నాడు. ఈ ఏడాదితో ఆయన 33 వ సంవత్సరం లోకి అడుగుపెట్టాడు. ఈ సందర్భంగా లావణ్య త్రిపాఠి వరుణ్ తేజ్ కి శుభాకాంక్షలు తెలియచేస్తూ ఇంస్టాగ్రామ్ లో అప్లోడ్ చేసిన ఫోటోలు బాగా వైరల్ అయ్యాయి.
ఇది ఇలా ఉండగా వరుణ్ తేజ్ పుట్టినరోజు సందర్భంగా ఆమె ఇచ్చిన బహుమతి ఇప్పుడు సోషల్ మీడియా లో బాగా వైరల్ అయ్యింది. ఆయన కోసం నెల రోజుల ముందుగానే ‘v’ లెటర్ తో ఒక ఉంగరం ని తయారు చేయించింది. దీని ఖరీదు దాదాపుగా 23 లక్షల రూపాయిలు ఉంటుందని సమాచారం. ఈ గిఫ్ట్ వరుణ్ తేజ్ కి ఎంతగానో నచ్చిందట. కేవలం లావణ్య త్రిపాఠి మాత్రమే కాదు, నాగబాబు కూడా ఒక కార్ ని బహుమతిగా ఇచ్చాడట. అలా మెగా ఫ్యామిలీ లో ప్రతీ ఒక్కరు వరుణ్ తేజ్ ని బహుమతులలో ముంచి ఎత్తేశారట. ప్రస్తుతం ఈ వార్త సోషల్ మీడియా లో వైరల్ గా మారింది. ఇక వరుణ్ తేజ్ చేస్తున్న సినిమాల విషయానికి వస్తే, ప్రస్తుతం ఆయన ‘ఆపరేషన్ వాలెంటైన్’ అనే సినిమా చేస్తున్నాడు.
దీనికి సంబంధించిన ఫస్ట్ లుక్ పోస్టర్ ని కూడా విడుదల చేసాడు. మిర్యాలగూడ లో మూవీ టీం 55 అడుగుల ఎత్తులో ఈ సినిమాకి సంబందించిన లుక్ తో ఒక కటౌట్ ని కూడా ఏర్పాటు చేసారు. ఈ కటౌట్ ఇప్పుడు సోషల్ మీడియా లో ట్రెండింగ్ టాపిక్ అయ్యింది. ఈ సినిమా తర్వాత ఆయన ‘మట్కా’ అనే చిత్రం కూడా చెయ్యబోతున్నాడు. ఈ చిత్రం లో ఆయన మెగా ఫ్యాన్స్ కోరుకున్నట్టుగానే ఊర మాస్ క్యారక్టర్ ని చేస్తున్నాడు.