Double Ismart : రామ్ ‘డబుల్ ఇస్మార్ట్’పై లేటెస్ట్ అప్ డేట్స్

Ram Double Ismart latest update

Double Ismart : స్టార్ డైరెక్టర్ పూరీ జగన్నాథ్, యంగ్ హీరో రామ్ పోతినేతి కాంబోలో గతంలో వచ్చిన సినిమా ఇష్మార్ట్ శంకర్. ఈ మూవీ బ్లాక్ బస్టర్ హిట్ సాధించింది. దీనికి సీక్వెల్ వస్తుందని పూరి గతంలో అనౌన్స్ చేశాడు. దాని పేరు ‘డబుల్ ఇస్మార్ట్’. దీనికి సంబంధించిన ఒక అప్ డేట్ ఇటీవల బయటకు వదిలింది చిత్ర యూనిట్.

ఇస్మార్ట్ శంకర్ లాంటి సూపర్ సక్సెస్ తర్వాత రామ్, పూరి జగన్నాథ్ కాంబినేషన్ లో వస్తున్న సినిమా ‘ఇస్మార్ట్’. హై వోల్టేజ్ యాక్షన్ ఎంటర్ టైనర్ గా ఈ సినిమా ఉంటుందని అంటున్నారు. ప్రస్తుతం ఈ సినిమా మేజర్ షూటింగ్ ముంబైలో జరుగుతోంది. ఆర్థిక ఇబ్బందుల కారణంగా షూటింగ్ ఆగిపోయిందని వస్తున్న వార్తల్లో ఎటువంటి వాస్తవం లేదని మేకర్స్ చెప్తున్నారు. డబుల్ ఇస్మార్ట్ టీం నాన్ థియేట్రికల్ డీల్స్ అన్నీ ముందుగానే క్లోజ్ చేసి ఫిబ్రవరిలో ఈ సినిమా కొత్త షెడ్యూల్ స్టార్ట్ చేయనుంది. మణిశర్మ స్వరపరిచిన మూడు పాటలను ఇప్పటికే ముంబైలో చిత్రీకరించారు.

ప్రస్తుతం మణిశర్మ, పూరి మ్యూజిక్ సిట్టింగ్ లతో బిజీగా ఉన్నారని, త్వరలోనే రెండు పాటలను కంపోజ్ చేయనున్నారని సమాచారం. హైదరాబాద్ లో వేసిన ప్రత్యేక సెట్స్ లో ఈ పాటలను చిత్రీకరించనున్నారు. సంజయ్ దత్ ప్రధాన ప్రతినాయకుడి పాత్రను పోషిస్తున్నాడు మరియు అతను తన పాత్రకు సంబంధించిన చిత్రీకరణను పూర్తి చేశాడు. ఫిబ్రవరిలో ఇస్మార్ట్ 20 శాతం షూటింగ్ పూర్తవుతుంది. ఇస్మార్ట్ ను మార్చి 8న విడుదల చేయనున్నట్లు చిత్రబృందం ప్రకటించినప్పటికీ ఈ చిత్రాన్ని సమ్మర్ లో విడుదల చేయాలనే ఆలోచనలో నిర్మాతలు ఉన్నారు. కావ్య థాపర్ హీరోయిన్ గా నటిస్తున్న ఈ చిత్రానికి పూరి కనెక్ట్స్ నిర్మాతలు. త్వరలోనే ఇస్మార్ట్ కొత్త రిలీజ్ డేట్ ను చిత్రబృందం అధికారికంగా ప్రకటించనుంది.