Sonusood kumari aunty ఫుడ్ స్టాల్ తో సోషల్ మీడియాలో వైరలైన కుమారి ఆంటీని ప్రముఖ నటుడు సోనూసూద్ కలిశారు. ఆమెతో సరదాగా మాట్లాడి, కుటుంబ సభ్యులను అభినందించారు. మహిళా సాధికారతకు కుమారి ఆంటీ బెస్ట్ ఎగ్జాంపుల్ అని.. భవిష్యత్ లో ఎలాంటి సహాయం అవసరమైనా చేస్తానని కుమారి ఆంటీకి సోనూసూద్ చెప్పారు. కష్టపడే తత్వానికి కుమారి ఆంటీ నిదర్శనమని ఆయన కొనియాడారు.
ఈ సందర్భంగా కుమారి ఆంటీ మాట్లాడుతూ ఎంతో మందికి సహాయం అందించిన సోనూసూద్ కు ఏమిచ్చినా తక్కువేనని అన్నారు. తనకు కష్టం వచ్చినప్పుడు ఆయన ఫోన్ చేసి ధైర్యం చెప్పారని గుర్తు చేసుకున్నారు. దాదాపు 15 సంవత్సరాల క్రితం స్ట్రీట్ ఫుడ్ అమ్మడం ప్రారంభించిన కుమారి ఆంటీ నేడు చాలా మందికి ఉపాధి కల్పిస్తున్నారు.