KTR-Harish Rao:ఒకే కారులో బావాబామ్మ‌ర్దులు..నెట్టింట ఫొటోలు వైరల్
KTR-Harish Rao:రాష్ట్ర‌ప‌తి ద్రౌప‌ది ముర్ము ప్ర‌తి ఏడాది శీతాకాల విడిది కోసం హైద‌రాడ‌బాద్‌లోని బొల్లారంలోని రాష్ట్ర‌ప‌తి నిల‌యంకు వ‌స్తున్న విష‌యం తెలిసిందే. హైద‌రాబాద్ విచ్చేసిన రాష్ట్ర‌ప‌తి ఈ శుక్ర‌వారంబొల్లారంలోని రాష్ట్ర‌ప‌తి నిల‌యంలో ఎట్ హోం కార్య‌క్ర‌మాన్ని నిర్వ‌హిస్తున్నారు. ఎట్ హోం కార్య‌క్ర‌మం శుక్ర‌వారం సాయంత్రం నుంచి రాత్రి వ‌ర‌కు కొన‌సాగ‌నుంది. రాష్ట్ర‌ప‌తి ద్రౌప‌ది ముర్ము బొల్లారంలోని శీతాకాల విడిది భ‌వ‌న ప్రాంగ‌ణంలో జ‌రిగే కార్య‌క్ర‌మానికి అధికార పార్టీతో పాటు, విప‌క్ష పార్టీ నేత‌లు, ప్ర‌జా ప్ర‌తినిధులు హాజ‌రవుతున్నారు.
ఇప్ప‌టికే చాలా మంది రాష్ట్ర‌ప‌తి భ‌వ‌న్‌కు చేరుకున్నారు. ప్ర‌ధాన ప్ర‌తిప‌క్షం బీఆర్ఎస్ నేత‌ల‌కు కూడా ఆహ్వానం అందింది. దీంతో పార్టీ అగ్ర‌నేత‌లు, బావాబామ్మ‌ర్దులు హ‌రీష్‌రావు, కేటీఆర్, ఇద్ద‌రూ బొల్లారం బ‌య‌లుదేరారు. తెలంగాణ భ‌వ‌న్ నుంచి వీరిద్ద‌రూ ఒకే కారులో ప్ర‌యాణించారు. కేటీఆర్ స్వ‌యంగా డ్రైవింగ్ చేస్తుండ‌గా..హ‌రీష్‌రావు ఆయ‌న ప‌క్క‌న కూర్చుని క‌నిపించారు. ఈ ఫొటోల‌ని హ‌రీష్‌రావు సోష‌ల్ మీడియాలో షేర్ చేశారు.
ప్ర‌స్తుతం ఇవి నెట్టింట వైరల్ అవుతున్నాయి. కేసీఆర్‌కు తుంటి ఎముక స‌ర్జ‌రీ జ‌ర‌గ‌డం, ఆయ‌న విశ్రాంతి తీసుకుంటున్న నేప‌థ్యంలో పార్టీని వీరిద్ద‌రే న‌డిపిస్తూ అసెంబ్లీలో త‌మ‌దైన స్వ‌రం వినిపిస్తున్నారు. వ‌రుస‌గా అసెంబ్లీ స‌మావేశాల్లో పాల్గొంటూ అధికార పార్టీకి చుక్క‌లు చూపిస్తున్నారు. వీరిద్ద‌రిని తాజాగా ఒకే ఫ్రేమ్‌లో చూడ‌టంతో గులాబీ శ్రేణులు కామెంట్‌లు చేస్తున్నారు. కృష్ణార్జునులు, మాకు మీరే పెద్ద దిక్కు` అంటూ పోస్ట్‌లు పెడుతున్నారు.
Enroute to Rashtrapati Nilayam, Bolarum along with Sri @KTRBRS to attend the 'At Home' reception hosted by Hon‘ble President of India. pic.twitter.com/aN5O39L6dS
— Harish Rao Thanneeru (@BRSHarish) December 22, 2023